नेपाली चलचित्र क्षेत्रकी एक चर्चित मोडल तथा अभिनेत्री नम्रता श्रेष्ठ प्राय: चर्चामा तानिने गर्छिन । धेरै जसो उनि प्रेम सम्बन्धको कारण चर्चामा आउछिन्। त्यस्तै हालै नम्रता र अभिनेता सारुक प्रेममा रहेको चर्चा चलेको छ।
यी दुईबिच प्रेम रहेको खबर गत वर्ष एक अवार्ड समारोहमा एकसाथ पुगे देखि नै चर्चा भएको थियो । तर दुवैजनाले यस विषयलाई औपचारिक रुपमा स्विकार भने गरेका छैनन् । यधपी उनीहरुबीचको निकटता र एक-अर्कालाई गर्ने व्यवहारबाट उनीहरु बिच प्रेम रहेको कुरा लुकेको छैन ।
केहि दिन अगाडी अर्थात् जुन १४ मा नायिका नम्रता श्रेष्ठको जन्मदिन परेको थियो। र त्यसको भोलिपल्ट नायक सारुकले उनलाई सामाजिक संजाल मार्फत शुभकामना व्यक्त गरेका छन्।
सारुकले नायिका श्रेष्ठसंगको तस्विर शेयर गर्दै लेखेका छन्, ‘यस पोष्टको लागि एक दिन ढिलो, म तिमिलाई एक अद्भुत वर्षको इच्छा गर्दछु । तिमि एक वास्तविक प्रेरणा हौ।’
नायिका श्रेष्ठलाई सामाजिक संजाल मार्फत अभिनेत्री स्वस्तिमा खड्का, आचल शर्मा, वर्षा शिवाकोटी, झरना थापा लगायतले शुभकामना व्यक्त गरेका छन्।
