काठमाडौँ – हप्ताको पहिलो दिन स्थिर रहेको सुनको मूल्य आज घटेको छ। गत हप्ताका अन्तिम दिनमा लगातार बढेर यस हप्ताको पहिलो दिन स्थिर रहेको सुनको मूल्यमा आज सामान्य गिरावट आएको हो।
नेपाल सुन चाँदी व्यावसायी महासंघका अनुसार नेपाली बजारमा आज छापावाला सुनको मूल्य तोलामा २ सय रुपैंयाँले घटेको छ। जससँगै छापावाला सुनको मूल्य ९२ हजार २ सय रुपैंयाँ कायम भएको छ।
त्यस्तै आज नेपाली बजारमा तेजाबी सुनको मूल्य पनि तोलामा २ सय रुपैंयाँले नै घटेको छ। आज तेजाबी सुन ९१ हजार ७ सय रुपैंयाँमा कारोबार भैरहेको नेपाल सुन चाँदी व्यावसायी महासंघले जनाएको छ।
चाँदीको मूल्य
आज सुन मात्र नभई चाँदीको मूल्य पनि घटेको छ। नेपाली बजारमा आज चाँदीको मूल्य तोलामा रु ५ ले घटेको । आज चाँदी १३ सय १० रुपैंयाँमा कारोबार भैरहेको छ।
