काठमाडौँ, असार २९ – हप्ताको पहिलो दिन स्थिर रहेको सुनको मूल्य सोमबार घटेको थियो। तर आज (मंगलबार) भने सुनको मुल्य बढेको छ ।
नेपाल सुनचाँदी व्यावसायी महासंघका अनुसार नेपाली बजारमा आज छापावाला सुनको मूल्य तोलामा २ सय रुपैयाँले बढेको छ। जससँगै छापावाला सुनको मूल्य ९२ हजार ४ सय रुपैयाँ कायम भएको छ।
त्यस्तै आज नेपाली बजारमा तेजाबी सुनको मूल्य पनि तोलामा २ सय रुपैयाँले नै बढेको छ। आज तेजाबी सुन ९१ हजार ९ सय रुपैयाँमा कारोबार भैरहेको नेपाल सुन चाँदी व्यावसायी महासंघले जनाएको छ ।
चाँदीको मूल्य
आज सुन मात्र नभई चाँदीको मूल्य पनि बढेको छ। नेपाली बजारमा आज चाँदीको मूल्य तोलामा रु १० ले बढेको छ । जससँगै आज चाँदी १३ सय २० रुपैयाँमा कारोबार भैरहेको छ।
