काठमाडौँ – नेपाली कांग्रेसका प्रभावशाली नेता गगन कुमार थापाले नव नियुक्त प्रधानमन्त्री शेर बहादुर देउवालाई बधाई दिएका छन्। थापाले सामाजिक संजाल मार्फत नेपाली कांग्रेसका सभापति समेत रहेका देउवालाई बधाई दिएका हुन्।
बधाई दिंदै थापाले ओली सरकारको अकर्मण्यताले महामारी लगायतका समस्यामा भोग्नु परेको सास्तीबाट निराश जनतालाई आशा र भरोसा दिलाउने मौका नव नियुक्त प्रधानमन्त्रीसँग रहेको बताएका छन्। थापाका अनुसार संविधान कार्यान्वयन गर्ने जिम्मेवारी पनि नयाँ प्रधानमन्त्रीको काँधमा आएको छ।
थापाले फेसबुकमा लेखेका छन्,”एकातर्फ संविधान कार्यान्वयन गर्ने जिम्मेवारी छ,अर्को तर्फ ओली सरकारको अकर्मण्यताले महामारी लगायतका समस्यामा भोग्नु परेको सास्तीबाट निराश जनतालाई आशा र भरोसा दिलाउनु छ।”
त्यस्तै थापाले नेपाली कांग्रेसलाई चुक्ने सुविधा नरहेको पनि बताएका छन्। चुनौतीलाई अवसरमा बदलेर जिम्मेवारी पूरा गर्न तर्फ लाग्नुपर्ने थापाको भनाई छ।
“हामीलाई चुक्ने सुविधा छैन,याे चुनौतीलाई अवसरमा बदलेर जिम्मेवारी पूरा गर्नुहुनेछ’, थापाले लेखेका छन्, ‘नवनियुक्त प्रधानमन्त्री आदरणीय शेरबहादुर देउवालाई हार्दिक शुभकामना!”,थापाले सामाजिक संजालमा लेखेका छन्।
