काठमाडौँ – नेकपा (माओवादी केन्द्र) का अध्यक्ष पुष्पकमल दाहाल र नेकपाका महासचिव नेत्रविक्रम चन्द’विप्लव’बीच भेटवार्ता भएको छ । प्रचण्ड र विप्लव बीच प्रचण्डनिवास खुमलटारमा भेटवार्ता भएको हो।
बुधबार विप्लवले प्रचण्डलाई मात्र भेटेनन्, प्रचण्डको परिवारलाई पनि भेटे। विशेषतः राजनीतिक भेटघाटका लागि खुमलटार पुगेका भएपछि विप्लवको उक्त भ्रमण पारिवारिक बन्न पुग्यो।
तत्कालिन माओवादीको तर्फबाट संघर्ष गर्दा प्रचण्ड परिवारसँग नजिक रहेर काम गरेका विप्लवले प्रचण्ड पत्नी सीता दाहाललाई पनि भेटे। पार्किन्सन जस्तै लक्षण भएको प्रोग्रेसिभ सुप्रान्युक्लियर पाल्सी (पीएसपी) बाट पीडित सीताले विप्लवलाई चिन्न अलि ढिला गरेपनि केहि समय हेरेपछि चिनिन्।
विप्लव चिनेलगतै उनी भाविक भइन्। विप्लवलाई देखेर भावुक भएकी सीताले विप्लवलाई अँगालो हालिन्। विप्लवसँगै प्रचण्ड निवासमा पुगेका नेकपा नेता धर्मेन्द्र बास्तोलाले माहोल नै पारिवारिक भएको बताए।
त्यस्तै प्रचण्डकी स्वकीय सचित तथा छोरी गंगा दाहालले पनि उक्त क्षणलाई पुनर्मिलनको संज्ञा दिएकी छन्। विप्लवले सीतालाई भेट्दाको तस्विर सार्वजनिक गर्दै लेखेकी छन्,”पुनर्मिलनको एऊटा तस्विर…!!!”
