म्यानचेस्टर युनाइटेड युवा स्टार मेसन ग्रिनवुडले लामो समयदेखि चल्दै आएको मेस्सी भर्सेस रोनाल्डो विवादमा आफ्नो रोजाई बताएका छन्। मेसनले यी दुई बीच रोज्दा पूरै तरिकाले निस्पक्ष रूपमा आफ्नो रोजाई बताएको देखिन्छ।
युनाइटेड स्टार आधुनिक फुटबलका दुई सर्वोत्कृष्ट खेलाडी दुबै मेस्सी र रोनाल्डोका ठूलो फ्यान हुन्। पछिल्ला १२ मध्ये ११ ब्यालुन डी ओर जितेका यी दुई बीच एकलाई रोज्न सजिलो भने कतै पनि छैन। युनाइटेडको आधिकारिक वेबसाइटको प्रश्न-उत्तर सेसनमा ग्रिनवुडलाई मेस्सी र रोनाल्डो बीच एक खेलाडी रोज्न भनेपछि उनले भने,”मेरो लागि सधैं मेस्सी नै उत्कृष्ट हुन्। उनी अर्कै ग्रहबाट आएका हुन्।”
“रोनाल्डो निकै उत्कृष्ट खेलाडी हुन्। निकै महान खेलाडी हुन्। तर मेस्सीले आफ्नो आकारमा के गर्छन्, बार्सिलोनाका लागि उनले जे गरे र अर्जेन्टिनाका लागि कोपा अमेरिका पनि जिते। उनी अर्कै स्तरमा छन्,” युनाइटेड स्टारले भने। खासगरी रोनाल्डो र म्यानचेस्टरको निकै बलियो सम्बन्ध रहेको कारणले उनले रोनाल्डो माथि मेस्सीलाई रोज्नु कतिपय मानिसको लागि आश्चर्यजनक पनि हुनसक्छ। तर ग्रिनवुडले आफू मेस्सीबाट बढी प्रभावित हुने स्वीकार गरेका छन्।
त्यस्तै, ब्राजिलियन रोनाल्डोबाट पनि आफू निकै प्रभावित भएको उनले बताए। आफ्नो करियरको शिखरमा रोनाल्डोले निकै सुन्दर तरिकाले प्रयोग गर्ने स्टेपओभर आफ्नो सबैभन्दा मन पर्ने स्किल रहेको पनि उनले खुलासा गरेका छन्। उनलाई अहिले पनि सबैभन्दा मनपर्ने र देखाउन मन लाग्ने स्किल स्टेप-ओभर रहेको र त्यसका लागि आफूले ब्राजिलियन रोनाल्डोलाई हेरेको पनि उनले बताए।
