बलिउड अभिनेत्री शिल्पा शेट्टीका पति तथा नामी व्यापारी राज कुन्द्रा अ-श्लि’ल भिडियो बनाएको आरोपमा पक्राउ परेसँगै उनी बारे नयाँ नयाँ कुरा खुलासा हुँदै आएको छ। उनी दैनिक रूपमा समस्याको झन् गहिरो खाडलमा डुब्दै गएका छन्।
चौतर्फी रूपमा आलोचना भइरहेको समयमा हालै मात्र युट्युबर पुनित कौरले राजको बारेमा नयाँ खुलासा गरेकी छिन्। उनले आफ्नो इन्स्टाग्राममा स्टोरी साझा गर्दै राजले आफूलाई पनि त्यस्ता भिडियो बनाउनको लागि म्यासेज गरेको खुलासा गरेकी हुन्। उनले राज कुन्द्रा पक्राउ परेको एक समाचारको फोटो हाल्दै आफूले राजले म्यासेज गरेको र त्यो समयमा आफूले उक्त म्यासेज नक्कली आइडीबाट भएको सोचेको बताएकी छिन्।
उनी लेख्छिन्,”यो मानिसले धेरैलाई फसाइरहेका थिए। युवतीहरुलाई लालच देखाउँथें। मलाई यसको म्यासेज आउँदा मैले त त्यो फेक होला सोचेको थिए। हे भगवान, यो मानिस जेलमा नै सडोस्।”
त्यस्तै, अर्को स्टोरीमा हर्मन बीएच अकाउन्टलाई ट्याग गर्दै उनले लेखेकी छिन्,”ब्रो, के तपाईंलाई हाम्रो भेरिफाईड डिएम भिडियो याद छ ? जसको कारण यो मानिस हामीसम्म ‘ह-ट शट ?’ भन्दै आएको थियो।”
मुम्बई क्राइम ब्रान्चका अनुसार लकडाउनको समयमा कुन्द्राको यस्तो कामबाट एक दिनमा ६ देखि ८ लाख भारुसम्मको व्यापार गर्ने गरेका थिए । उनी गत मंगलबार पक्राउ परेका हुन्।
