एजेन्सी – क्याटलान क्लब बार्सिलोनाले क्लबका फरवार्ड एन्टोइन ग्रिजम्यानबाट जसरी पनि छुटकारा पाउने योजना बनाएको छ। विभिन्न संचार माध्यमहरुका अनुसार बार्सिलोना ग्रिजम्यानबाट जसरी पनि छुटकारा पाने योजनाका साथ अगाडी बढेको हो।
क्लबको आर्थिक भार कम गर्ने सबै भन्दा उत्तम तरिकाको रुपमा बार्सिलोनाले एन्टोइन ग्रिजम्यानको बहिर्गमनलाई लिएको बताइन्छ। पछिल्लो केहि समय देखि बार्सिलोनाले ग्रिजम्यानलाई बिक्री गर्न विभिन्न तरिका अपनाइरहेको छ।
बार्सिलोनाले केहि समय अगाडी ग्रिजम्यानलाई एटलेटिको म्याड्रिड पठाउने प्रयास गरेको थियो। तर, सट्टापट्टा मार्फत हुन लागेको ग्रिजम्यानको ट्रान्सफर विभिन्न कारणले गर्दा हुन सकेको थिएन।
स्पेनबाट प्रकाशित हुने एक मिडियाका अनुसार ग्रिजम्यान इटालियन क्लब युभेन्टस जान सक्छन्। त्यसका लागि रोनाल्डोको भविष्यले पनि भूमिका खेल्ने उक्त मिडियाको दावी छ।
रोनाल्डोले युभेन्टस छाड्ने भएको खण्डमा रोनाल्डोलाई ग्रिजम्यानले प्रथिस्थापन गर्नेछन्। सन् २०२२ सम्मका लागि युभेन्टससँग सम्झौता रहेका रोनाल्डोले क्लब छाड्ने वा नछाड्ने भन्ने टुङ्गो लागिसकेको छैन। तर, रोनाल्डोले क्लब छाडेको खण्डमा उनको ठाउँ ग्रिजम्यानले लिन सकने युभेन्टसका अधिकारीहरुको बुझाई छ।
