काठमाडौँ – नेपालमा थप ३ हजार ८९९ जनामा कोरोना भाइरस सङ्क्रमण पुष्टि भएको छ । योसँगै नेपालमा कोरोना भाइरसबाट सङ्क्रमितको सङ्ख्या(पिसिआर मार्फत) ६ लाख ८५ हजार ६७३ पुगेको छ ।
थप १२ हजार ६५५ जनाको पिसिआर परीक्षण तथा ४ हजार ८६३ जनाको एन्टिजेन विधिबाट कोरोना परीक्षण गरिएको थियो । पिसिआर विधिबाट २ हजार ७२६ तथा एन्टिजेनबाट एक हजार १७३ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । हालसम्म ६ लाख ४७ हजार ७९ जना कोरोना भाइरसबाट मुक्त भइ घर फर्किएका छन् । पछिल्लो २४ घण्टामा देशभर १ हजार ७७८ सङ्क्रमित निको भएर घर फर्किएका छन् ।
काठमाडौँ उपत्यकामा ७७४ सङ्क्रमित थपिए
काठमाडौँ उपत्यकामा पछिल्लो समय ७७४ सङ्क्रमित थपिएका छन् । काठमाडौँमा ४७५, ललितपुरमा १६७ तथा भक्तपुरमा १३२ जनामा सङ्क्रमण पुष्टि भएको मन्त्रालयले जनाएको छ ।
२० सङ्क्रमितको मृत्यु
पछिल्लो २४ घण्टामा नेपालमा कोरोना भाइरसको सङ्क्रमणबाट थप २० सङ्क्रमितको मृ-त्यु भएको छ । योसँगै कोरोना भाइरसको सङ्क्रमणबाट ज्यान गुमाउनेको सङ्ख्या ९ हजार ७५८ पुगेको मन्त्रालयले जनाएको छ ।
