लिभरपुल स्टार भर्जिल भान डाइक करिब ९ महिनापछि मैदानमा फर्किएका छन्। गत सिजन एभर्टन विरुद्धको खेलमा चोटिल भएका डच डिफेन्डरको चोटपछिको पहिलो खेल भने त्यति खास रहेन।
३० वर्षीय डिफेन्डरको टोली जर्मन टिम हेर्था बर्लिनसँग ४-३ ले पराजित हुँदा भान डाइकले पनि खेलको क्रममा लज्जास्पद क्षण देख्नु पर्यो। पूर्व म्यानचेस्टर सिटी स्टार स्टीभन ज्वेटिकले डच डिफेन्डरलाई नमज्जाले छक्याउँदै बर्लिनका लागि चौंथो तथा विजयी गोल गरे।
Van Dijk might be finished ya know 😭 https://t.co/ZUlCEO8Yn4
— Martial FC 🇫🇷 (@MartialCF9) July 29, 2021
खेलको अन्तिम २० मिनेटका लागि मैदान प्रवेश गरेका भान डाइकको अहिले सामाजिक सञ्जालमा मजाक उडिरेको छ। थुप्रै मानिसहरुले मजाक बनाईरहँदा लिभरपुल प्रशंसकले भने गत ९ महिना फुटबल नखेलेका डच खेलाडीको बचाउ गरिरहेका छन्।
Van Dijk is playing football after 9 months and people going for his head after 1 mistake, some people are so desperate to make themselves believe that Van Dijk is washed up hahaha. He's really the best.
— 8 (@The_Gerrard_Era) July 29, 2021
प्रिमियर लिगमा पहिलो खेल अगस्ट १४ मा नर्विच सिटी रहेको लिभरपुल र भान डाइकको लागि त्यसअघि लय समात्नका लागि थप ३ प्रि-सिजन खेल बाँकी रहेका छन्।
