हप्ताको पहिलो दिन आइतबार घटेको सुनको भाउमा आज सोमबार पनि सामान्य गिरावट आएको छ। शुक्रबारको तुलनामा आइतबार प्रति तोला ५ सय रुपैयाँले घटेको आज एक सय रुपैयाँले घटेको हो। शुक्रबार ९ दिन यताकाई महँगो भएको सुनको भाउ आइतबार भने घटेको थियो।
आज सोमबार छापवाला सुन तोलामा एक सय रुपैयाँले घटेको छ। जससँगै सोमबार नेपाली बजारमा छापवाला सुन प्रतितोला ९२ हजार ३ सयमा कारोबार भइरहेको नेपाल सुनचाँदी व्यवसायी महासंघले जनाएको छ। आइतबार प्रतितोला ९२ हजार ४ सयमा किनबेच भएको छापवाला सुन आज एक सयले घटेको हो।
त्यस्तै, तेजाबी सुन पनि प्रतितोला एक सय रुपैयाँले नै घटेको छ। शुक्रबार तोलाको ९१ हजार ९ सयमा किनबेच भएको तेजाबी सुनको मूल्य आज भने ९१ हजार ८ सय कायम भएको छ।
सुन साउन १३ गते यताकै सस्तो
सोमबार कायम भएको सुनको मूल्य पछिल्लो ५ दिन यताकै सस्तो रहेको छ। यसअघि साउन १३ गते छापवाला सुनको मूल्य तोलाको ९२ हजार १ सय र तेजाबी सुनको भाउ ९१ हजार ६ सय कायम भएको थियो। त्यसपछि, सुनको मूल्य आजको विन्दुमा आएको थिएन।
चाँदीको भाउ लगातार तेस्रो दिन पनि स्थिर
सोमबार चाँदीको मूल्य भने स्थिर छ। शुक्रबार र आइतबार प्रति तोला १ हजार २८५ रुपैयाँमा कारोबार भएको चाँदी आज लगातार तेस्रो दिन पनि सोहि भाउमा किनबेच भइरहेको नेपाल सुनचाँदी व्यवसायी महासंघले जनाएको छ।
