एजेन्सी – लालिगाको नयाँ सिजनको दोस्रो खेलमा रियल म्याड्रिडले लेभान्टेको सामना गर्यो। धेरै नै प्रतिष्पर्धात्मक बनेको खेल ३–३ गोलको बराबरीमा रोकियो।
लेभान्टेका लागि रोजरले गोन्जा, जोस काम्पाना र रोवेरले गोल गर्दा रियलमा लागि ग्यारेथ बेल र भिनिसियस जुनियरले गोल गरे। बेलले एक गोल र जुनियरले दुई गोल गरेका हुन्।
बेलले खेलको शुरुवातमै गोल गरेका थिए। उनले खेलको पाँचौ मिनेटमा बेन्जेमाले दिएको पासलाई खेर जाने दिएनन्, उनले बललाई गोलपोस्टको बाटो देखाए। गएको सिजन लोनमा प्रिमियर लिग क्लब टोटेनहम हटस्पर पुगेका बेलले लेभान्टे विरुद्ध गरेको गोल धेरै लामो समय पछिको हो। आइतबारको गोल रियलका लागि बेलको ५ सय ७८ दिन पछिको रहेको छ।
बेलले रियल म्याड्रिडका लागि पछिल्लो पटक सन् २०२० को जनवरीमा गोल गरेका थिए। कोपा डेल रेको खेलमा बेलले युनियनस्टस विरुद्ध गरेको गोल नै बेलको रियलका लागि पछिल्लो गोल गरेका थिए।
पटक-पटक घाइते भएपछि बेल गएको केहि सिजन देखि रियलको प्रथम टोलीमा पर्न संघर्षरत छन्। रियलका पूर्व प्रशिक्षक जिनेदिन जिदानसँग पनि पछिल्लो समय उनको सम्बन्ध त्यति राम्रो रहेन। जसकारण उनले क्लबमा मौका पाउन धेरै संघर्ष गर्नुपर्यो। गत सिजन बेल लोनमा टोटेनहम पुगेका थिए। त्यहाँ पनि बेलले पूर्ण मौका पाएनन्। कम मौका पाएपनि बेलले टोटेनहमक लागि १४ गोल गरेका थिए।
