लियोनल मेस्सीको पीएसजी जर्सीमा बहु प्रतिशित डेब्यु अगस्त ३० मा हुने लगभग पक्का भएको छ। प्रशिक्षक माउरिसियो पोचेटिनोले क्लबका नयाँ सदस्य मेस्सी अर्को हप्ता रेइम्स विरुद्ध हुने खेलको टोलीमा हुने खुलासा गरेका छन्।
मेस्सी, नेइमार जस्ता स्टार खेलाडी बिना नै लिगका पहिला ३ खेलमा जीत निकालेको पीएसजी अझै बलियो हुने देखिएको छ। यी दुई खेलाडीको आगमनसँगै बलियो टोली अझ बलियो भएर निस्किने पक्का छ।
पीएसजी बोस पोचेटिनोले इएसपीएनसँग बोल्दै भने,”यो हप्ता लियो मेस्सीको लागी राम्रो रह्यो, त्यसैले हामी आशा गर्दछौं कि अर्को हप्ता एक लामो हप्ता हो र हामी आशा गर्छौं कि, यदि सबै ठीक भयो भने, उनी टोलीमा हुन सक्छन् र प्रतिस्पर्धी तरीकाले टीमको हिस्सा बन्न सक्छन्।”
एकाराफ हकिमी र जिनी विनालडमले अहिलेसम्म भएका ३ वटै लिग खेल खेल्दा जियानलुइजी डोनारुमा र लियोनल मेस्सीले भने अझै डेब्यु गर्न बाँकी नै रहेको छ। त्यस्तै, पूर्व रियल म्याड्रिड कप्तान सर्जियो रामोस भने फिटनेसका कारण अन्तराष्ट्रिय ब्रेकपछि मात्र उपलब्ध हुने भएका छन्।
