लियोनल मेस्सीले नयाँ क्लब पीएसजीका लागि आज राति पहिलो खेल खेल्दैछन्। नेपाली समय अनुसार आज राति १२:३० मा हुने खेलमा पीएसजीले रेइम्सको सामना गर्नेछ।
रेइम्स विरुद्ध हुने खेलका लागि प्रशिक्षक माउरो पोचेटिनोले घोषणा गरेको टोलीमा पहिलो पटक मेस्सी पनि रहेका छन्। पूर्व बार्सिलोना कप्तानले अगस्त १० मा फ्रेन्च क्लबसँग २ वर्षीय सम्झौतामा हस्ताक्षर गरेका थिए। तर कोपा अमेरिकापछि बिदामा रहेको र ट्रान्सफरका कारण प्रि-सिजनका खेलहरुमा सहभागिता नजनाएका मेस्सीले अहिलेसम्म पीएसजीका लागि कुनै पनि खेल भने खेलका छैनन्।
आजको खेलमा मेस्सी दोस्रो हाफमा प्रतिस्थापन हुँदै मैदानमा उत्रिनेछन् वा सुरुवाती ११ मै रहनेछन् भन्ने बारे स्पष्ट जानकारी छैन। त्यस्तै, मेस्सीका साथै ब्राजिलियन स्टार नेइमारले पनि आज नै सिजनको पहिलो खेल खेल्दैछन्। यसका साथै, रेइम्स विरुद्धको खेलमा मेस्सी-नेइमार-एम्बाप्पेको ट्रियो पनि देख्न पाइने भएको छ। रियल म्याड्रिडसँग नाम जोडिएका एम्बाप्पेको नाम पनि स्क्वाडमा रहेको छ।
रेइम्स विरुद्धको खेलका लागि पीएसजीले घोषणा गरेको टोली यस प्रकार छ:-
कलर नाभास
एकारफ हाकिमी
किमपेम्बे
मार्कीनियोस
मारको भेराटी
किलियन एम्बाप्पे
लियोनार्दो पाराडेस
नेइमार
डी मारिया
ड्यानिलो
जिनी विनालडम
एन्डर हेरेरा डियालो
जुलियन ड्रयाक्सलर
कहरर
गेये
कालीमुएन्डो
लियोनल मेस्सी
बिटुमाजाला
डिना एबिम्बे
फ्रान्की
जियानलुइजी डोनारुमा
