टकस्पोर्ट पण्डित ग्याब्रियल अगबोनलाहोरले आफूले कुनै ठूला तथा महत्वपूर्ण खेलमा म्यानचेस्टर युनाइटेडका नयाँ अनुबन्ध क्रिस्टियानो रोनाल्डोको अगाडी टोटनह्याम कप्तान ह्यारी केनलाई रोज्ने बताएका छन्।
ग्याब्रियल र उनका साथी पण्डित जेमी ओ’हारा बीच केन र रोनाल्डो बीच आफूले कसलाई आफ्नो टोलीमा राख्ने बारे बहस भएको थियो। यस्तोमा पूर्व एस्टन भिल्ला खेलाडीले इंग्ल्याण्ड कप्तानको गोल गर्ने क्षमताको तारिफ गर्दै उनको प्रशंसा गरेर थाकेनन्। ओ’हाराले ग्याब्रियललाई प्रश्न गरे,”कप फाइनलको खेलमा, तपाईं आफ्नो टोलीमा केन र रोनाल्डो बीच कसलाई रोज्नु हुन्छ ?”
पूर्व प्रिमियर लिग स्टारले तुरुन्तै जवाफ दिए,”म केनलाई रोज्छु। यदि फिनिसिङको कुरा गर्ने हो भने अरु कोहि उनी भन्दा उत्कृष्ट छैनन्।” आफ्नो खेलजीवनमा आफूलाई निकै कठिन स्थितिमा पुर्याएका रोनाल्डोलाई गोल मेसिनको संज्ञा दिएता पनि ग्याब्रियलले आफ्नो टोलीमा २८ वर्षीय स्ट्राइकरलाई रोनाल्डो भन्दा पहिला रोज्ने स्पष्ट पारेका छन्।
🤔 𝗝𝗮𝗺𝗶𝗲: “In a cup final, would you rather have Kane or Ronaldo?”
🏴 𝗚𝗮𝗯𝗯𝘆: “I’m having Kane! If you look at finishing, there’s no one better.”
Gabby Agbonlahor says he’d trust #THFC’s Kane to finish a big chance over #MUFC’s Ronaldo. pic.twitter.com/PVEfd9TxeZ
— talkSPORT (@talkSPORT) September 3, 2021
बुधबार मात्र विश्वकप छनौट खेलमा आयरल्याण्ड विरुद्ध दुई गोल गरेका रोनाल्डो अन्तराष्ट्रिय स्तरमा सबैभन्दा बढी गोल गर्ने पुरुष खेलाडी बन्न सफल भएका छन्। ग्याब्रियलको यस्तो टिप्पणी सुनेर रोनाल्डो समर्थक निकै आक्रोशित भएका छन्। अहिले थुप्रै फ्यान्सले सामाजिक सञ्जालमा ग्याब्रियलको मजाक उडाइरहेका छन्।
एकले व्यंग्यात्मक ढंगले ट्वीट गरे,”मलाई रोनाल्डोले कुनै फाइनल खेलमा उत्कृष्ट प्रदर्शन गर्दै गरेको देखेको छैन। अर्कोतर्फ केन भने फाइनल खेलमा गोल मेसिन नै हुन्।” त्यस्तै, अर्का एक लेख्छन्,”केनले ४ फाइनल खेलका छन् र एक गोल पनि गर्न सकेका छैनन्। के कुरा गर्दै छौ।”
केन वा रोनाल्डो ? तपाईंको टोलीमा को रोज्नु हुन्छ ?
