एजेन्सी – एन्टोइन ग्रिजमनको दुई गोल सहयोगमा फ्रान्सले विश्वकप छनोटमा फिनल्यान्डलाई पराजित गरेको छ । घरेलु मैदानमा फ्रान्सले फिनल्यान्डमाथि २–० को सहज जित हात पारेको हो ।
यससँगै फ्रान्सले पछिल्लो छैटौं खेलमा आफ्नो जितविहीन यात्रालाई टुंग्याएको छ । फ्रान्सले गत जुलाईमा सम्पन्न युरोपेली च्याम्पियनसिपमा जर्मनीलाई १–० ले पराजित गरेयता पछिल्लो पाँच खेलमा जित हात पार्न सकेको थिएन । सबै पाँच खेलमा फ्रान्सले बराबरी खेलेको थियो ।
ग्रुपमा स्टेडियम फ्रान्समा मंगलबार राति भएको खेलमा ग्रिजमनको गोलबाट फ्रान्सले खेलको २५औं मिनेटमा अग्रता लिएको थियो । उनले करिम बेन्जेमाको पासमा गोल गरेका थिए । ५३औं मिनेटमा लियो डुवोइसको पासमा ग्रिजमनले व्यक्तिगत र टोलीको लागि दोस्रो गोल गर्दै फ्रान्सलाई २–० को जित दिलाए ।
जितपछि समूह ‘डी’ मा अपराजित फ्रान्स ६ खेलबाट १२ अंक जोड्दै शीर्षस्थानमा यथावत रहेको छ । फिनल्यान्ड ४ खेलबाट ५ अंक जोडेर तेस्रो स्थानमा रहेको छ ।
यही समूहको अर्काे खेलमा बोस्निया एन्ड हर्ज गोभिना र काजकस्तानले २–२ गोलको बराबरी खेलेका छन् । यो नतिजापछि दुवै टोली ३ अंक जोडेर चौथो र पाँचौ स्थानमा रहेको छ । युक्रेन ५ अंक जोडेर दोस्रो स्थानमा रहेको छ ।
