काठमाडौँ – आइतबार घटेको सुनको मूल्य आज बढेको छ। आइतबार घटेर ३० दिन यताकै सस्तो भएको सुनको मूल्य हप्ताको दोस्रो दिन आज बढेको हो।
नेपाल सुन चाँदी व्यवसायी महासंघका अनुसार नेपाली बजारमा आज छापावाला सुनको मूल्य तोलामा ३ सय रुपैंयाँले बढेको छ। जससँगै छापावाला सुनको मूल्य ९० हजार ६ सय रुपैंयाँ कायम भएको छ।
त्यस्तै आज नेपाली बजारमा तेजाबी सुनको मूल्य पनि ३ सय रुपैंयाँले नै बढेको छ। यससँगै तेजाबी सुनको मूल्य ९० हजार १ सय रुपैंयाँ कायम भएको छ।
चाँदीको मूल्य
आज सुनको मूल्य मात्र नभई चाँदीको मूल्य पनि बढेको छ। नेपाल सुन चाँदी व्यवसायी महासंघका अनुसार चाँदीको मूल्य तोलामा रु ५
ले घटेर १२ सय रुपैंयाँमा कारोबार भइरहेको छ।
