पूर्व रेड डेभिल डिफेन्डरले आफ्ना पूर्व टिममेट रोनाल्डोलाई फुटबल इतिहास कै सर्वश्रेष्ठको रूपमा वर्णन गरेका छन्। म्यानचेस्टर युनाईटेडका पूर्व खेलाडी ग्यारी नेभिलका अनुसार “क्रिस्टियानो रोनाल्डो सबै समयका महान खेलाडी” हुन्। पूर्व राइट-ब्याकले आफ्ना पूर्व ओल्ड ट्राफोर्ड सहकर्मीलाई प्रतिद्वन्द्वी लियोनल मेस्सीको तुलनामा उत्कृष्ट रहेको बताए।
पोर्चुगिजले यस सप्ताहन्तमा ओल्ड ट्राफोर्डमा निकै उत्कृष्ट रूपमा आफ्नो दोस्रो डेब्यु पूरा गरेका छन्। उनले न्युकासल विरुद्धको खेलमा २ गोल गर्दा युनाइटेड ४-१ को जीत निकाल्न सफल भयो। यस्तोमा पूर्व रेड डेभिल डिफेन्डर नेभिलले आफ्नो पूर्व टिममेटलाई फुटबल खेल्ने सर्वकालीन महान् खेलाडीका रूपमा बयान गरेका छन्।
रोनाल्डोले आफ्ना प्रतिद्वन्दी पीएसजी स्टार मेस्सीको तुलनामा हरेको प्रकारको गोल गर्ने भएकै कारण रोनाल्डो मेस्सी भन्दा उत्कृष्ट भएको नेभिलले औंल्याएका छन्। “दुबै खेलाडीले अनगिन्ती गोल गरिसकेका छन्,”नेभिलले स्काई स्पोर्टमा भने,”मेस्सी अद्भुत खेलाडी हुन्। तर रोनाल्डोले पेनाल्टीमा धेरै गोल गरेका छन्, कमजोर खुट्टाले ४० प्रतिशत गोल गरेका छन्। त्यसैले, मलाई लाग्छ कि खेलको सबैभन्दा महत्वपूर्ण क्षणमा रोनाल्डो पूर्ण छन्।”
त्यस्तै, रोनाल्डोको अन्तराष्ट्रिय स्तरमा प्रदर्शनले पनि उनलाई मेस्सी भन्दा उत्कृष्ट बनाउने नेभिलले दाबी गरेका छन्। अन्तराष्ट्रिय स्तरमा सबैभन्दा बढी गोल गर्ने खेलाडी रोनाल्डोले मेस्सीले भन्दा कमजोर टोलीबाट बढी च्याम्पियन्स लिग जितेको भन्दै रोनाल्डोको बयान गरेका छन्। उनले भने,”मेस्सीले बार्सिलोनासँग धेरै लिग उपाधि जितेका छन्। तर अन्तराष्ट्रिय स्तरमा, च्याम्पियन्स लिग र गोलको विभितता हेर्दा मलाई लाग्छ रोनाल्डो नै सर्वश्रेष्ठ खेलाडी हुन्।”
