काठमाडौँ – कमेडी च्याम्पियन सिजन–२ को उपाधि भरतमणि पौडेलले जितेका छन् । शनिबार राति भएको ग्राण्ड फिनालेबाट उनी कमेडी च्याम्पियन सिजन–२ को विजेता घोषित भएका हुन्। दर्शकबाट प्राप्त भोटको आधारमा कमेडी च्याम्पियन सिजन–२ को उपाधि जित्न सफल पौडेलले डाट्सनको कार र नगद २५ लाख रुपैयाँ प्राप्त गरेका छन्।
त्यस्तै फस्ट रनरअप बिक्की अग्रवाल बन्न सफल भए भने सेकेन्ड रनरअप सन्तोष थापा भए। सेकेन्ड रनरअप सन्तोष थापाले स्कुटर प्राप्त गर्दा फस्ट रनरअप बिक्की अग्रवालले टीभीएस अपाचेको मोटरसाइकल प्राप्त गरे।
