एजेन्सी – दक्षिण अमेरिकी राष्ट्र्र सुरिनामका उपराष्ट्रपति रोनी ब्रन्स्विकले मंगलबार कन्काकाफ लिग अन्तर्गत आफू अध्यक्ष रहेको इन्टर मोएन्गोटापोएको कप्तानी गर्दै ५४ मिनेट खेलेका छन् ।
६० वर्षीय ब्रन्स्विक क्लबका मालिक तथा अध्यक्ष पनि हुन् । उनले सुरुवाती ११ मा रहेर ओलिम्पियाविरुद्ध खेलमा ५४ मिनेट मैदानमा बिताएका थिए । उनको टोलीले ६-० को हार बेहोरेको थियो । जुलाई २०२० मा सुरिनामका उपराष्ट्रपति बनेका उनी राजनीतिमा भने लामो समयदेखि सक्रिय छन् ।
सन् २००२ मा क्लबको खेलाडी तथा मालिकका रुपमा उनले आफ्नै मैदान निर्माण समेत गरेका थिए । उनले मैदानको नाम पनि आफ्नै पछाडी राख्दै रोनी ब्रन्स्विकस्टाडिओन राखेका छन् ।
https://twitter.com/i/status/1440459806330916883
सन् २०११ यता उनले क्लबका लागि खेलेका थिएनन् । मंगलबार मैदानम उत्रँदै खेलमा पुनरागमन गरेका उनले सुखद नतिजा भने पाएनन् । उनले ५४ औं मिनेटमा मैदान छोड्दा टोली ३-० ले पछि परेको थियो । खेलपछि विपक्षी टोली ओलिम्पियाको ड्रेसिङ रुम पुगेका उनले पैसा बाँडिरहेको भिडियो पनि सार्वजानिक भएको थियो ।
सन् १९८५ मा विद्रोही नेताको रुपमा सुरिनाम लिबरेसन आर्मी गाथान गरेका उनले सन् १९७८६ देखि १९९२ सम्म चलेको गृहयुद्धमा प्रमुख भूमिका खेलेका थिए । सन् १९९२ मा शान्ति सम्झौता भएयता उनी सक्रिय राजनीति गर्दै आएका छन् ।
सन् २००५ मा उनलाई खेलका दौरान खेलाडीलाई बन्दुक देखाएको आरोपमा प्रतिबन्ध लगाएपनि आवश्यक सबुत नभेटिएको भन्दै कारवाही फुकुवा गरिएको थियो । सन् २०१२ मा भने रेफ्रीलाई गालीगलौज गरेपछि नले प्रतिबन्ध खेपेका थिए ।
