काठमाडौँ – गर्भवती भएयता लगातार चर्चामा रहेकी अभिनेत्री प्रियंका कार्कीले बुधबार छोरीलाई जन्म दिएकी थिइन् । कार्की आफैंले सामाजिक संजाल इन्स्टाग्राम मार्फत आफूले छोरी जन्माएको जानकारी दिएको थिइन् ।
उनले बुधबार छोरीलाई जन्म दिएको तस्बिर सामाजिक सञ्जालमार्फत सार्वजनिक गरेकी थिइन् । प्रियंकाले छोरीको नामकरण पनि गरिसकेकी छन्। प्रियंका र आयुष्मानले छोरीको नाम आयंका कार्की जोशी राखेका छन्। यति मात्रै नभई प्रियंकाले जन्मिने बितिकै आफ्नी छोरीको इन्स्टाग्राम अकाउन्ट समेत खोलिदिएका छन्।
प्रियंका र आयुष्मानले बुधबार मात्र जन्मिएकी आयंकाको इन्स्टाग्राम अकाउन्ट खोलिदिएका हुन् । उक्त इन्स्टाग्राममा प्रियंका र आयुष्मानले आयंकाका तस्विरहरु पोस्ट गरेका छन्। इन्स्टाग्राम अकाउन्ट खोलेको २ दिनमै आयंकालाई १७ हजार भन्दा बढीले फलो गरेका छन्। जन्मेको २ दिनमै यति धेरै फलोअर्स बढेपछि आयंकालाई धेरैले सेलिब्रेटी भैसकेको समेत बताएका छन्।
“हेल्लो वर्ल्ड ! म आयंका।”,आयंकाको पहिलो इन्स्टापोस्टमा भनिएको छ।
