लियोनल मेस्सी र क्रिस्टियानो रोनाल्डोले क्लब तथा अन्तराष्ट्रिय स्तरमा प्राप्त गरेको अविश्वसनीय सफलताका साथ फुटबल जगतकै सर्वकालिन महान महान खेलाडीको सूचीमा आफ्नो नाम लेखिसकेका छन्।
आफ्नो टोलीलाई अनेक सफलता माथि सफलटा दिलाएका यी दुई स्टारले फुटबल जगतका अनगिन्ती किर्तिमान तोड्दै पछिल्लो २ दशक फुटबल जगतमा राज गर्दै आएका छन्। यस्तोमा यी दुई सुपरस्टार बीच को उत्कृष्ट भन्ने प्रश्न पनि विगत १५ वर्ष देखि उठ्दै आएको छ। धेरै मानिसले रोनाल्डोलाई उत्कृष्ट गोलकर्ता मान्दा कतिपय मानिसले मेस्सीलाई एक पूर्ण खेलाडी मान्छन्। हरेक मानिसको रोजाई फरक हुन्छ।
यस्तोमा आज हामी यस्ता ५ प्रशिक्षकको बारेमा बताउँछौं जसले रोनाल्डो भन्दा मेस्सीलाई उत्कृष्ट खेलाडी मान्ने गर्छन्।
५. फाबियो कापेलो
पूर्व एसी मिलान तथा युभेन्टस प्रशिक्षकले ‘गोट’ रेसमा हरेक पटक मेस्सीलाई रोनाल्डो भन्दा अगाडी राख्ने गर्छन्। मेस्सीको प्राकृतिक क्षमताका कारण इटालियनले अर्जेन्टिनी स्टारलाई रोनाल्डो भन्दा सधैं उत्कृष्ट मान्छन्। मेस्सी १६ वर्षको हुँदा युभेन्टसको प्रशिक्षक रहेका कपेलो उक्त समय देखि नै मेस्सीको मुरिद हुन्। रोनाल्डोलाई निकै सम्मान गर्ने उनले फुटबल जगतमा मात्र ३ जिनियस रहेको बताउँछन्: मेस्सी, म्याराडोना र पेले।
४. जोआकिम लो
पूर्व जर्मनी प्रशिक्षक जोआकिम लो, जसको प्रशिक्षणमा जर्मनीले २०१४ विश्वकप फाइनलमा मेस्सीको अर्जेन्टिनालाई हराएको थियो, को नजरमा पनि मेस्सी रोनाल्डो भन्दा उत्कृष्ट खेलाडी हुन्। विल्डसँगको अन्तर्वार्तामा २०१८ मा मेस्सी र रोनाल्डो बीच रोज्न अनुरोध गर्दा उनले भने,”मेरो नजरमा मेस्सी। रोनाल्डो निकै उत्कृष्ट खेलाडी हुन्, सर्वश्रेष्ठ गोलकर्ता हुन् तर मेरो लागि मेस्सी पूर्ण खेलाडी हुन्।”
३. जर्गन क्लोप
लिभरपुल प्रशिक्षकले धेरै पटक सार्वजनिक रूपमा नै रोनाल्डो भन्दा मेस्सी उत्कृष्ट भएको दाबी गरेका छन्। सन् २०१८ को अक् अन्तर्वार्तामा जर्मन प्रशिक्षकलाई मेस्सी र रोनाल्डो बीच एक रोज्न आग्रह गर्दा उनले भने,”मेरो फोनमा एक मात्र सेल्फी छ। त्यो मेस्सीसँग हो। रोनाल्डो पनि नजिकै थिए…..”
२. डिएगो सिमिओनी
अर्जेन्टिनी प्रशिक्षक पनि मेस्सीका निकै ठूला प्रशंसक हुन्। एथलेटिको म्याड्रिडका प्रशिक्षको टोली पूर्व रियल म्याड्रिड स्टारसँग धेरै पटक पराजित हुनु परेको भएता पनि सिमिओनीको नजरमा रोनाल्डो भन्दा मेस्सी निकै उत्कृष्ट खेलाडी हुन्। अर्जेन्टिनी प्रशिक्षकले एक समय मेस्सी एक्लै नै रोनाल्डो, बेल र बेन्जेमा भन्दा खतरनाक रहेको दाबी गरेको पनि बताइन्छ।
१. पेप ग्वार्डीओला
लियोनल मेस्सीको महानताको बारेमा कुरा गर्न पेप ग्वार्डीओला भन्दा राम्रो प्रशिक्षक अरु कोहि हुनै सक्दैन। यो जोडीले २००८ र २०१२ को बीच बार्सिलोनामा एकसाथ काम गरे, जसमा थुप्रै सफलता हात पारे र फुटबलको सबैभन्दा सुन्दर ब्रान्डको फुटबल खेले। स्पेनिस प्रशिक्षकको प्रशिक्षणमा मेस्सीले लगातार ४ पटक ब्यालुन डी ओर समते जिते। यस्तोमा ग्वार्डीओलाको नजरमा अ पक्कै पनि मेस्सी नै रोनाल्डो भन्दा उत्कृष्ट हुन्।
