एजेन्सी – प्रिमियर लिग क्लब म्यानचेस्टर युनाइटेड घरेलु मैदानमै पराजित भएको छ। शनिबार राति भएको खेलमा युनाइटेड एस्टन भिल्लासंग पराजित भएको हो। खेलमा ८८औं मिनेटमा कोर्टने हायुजले गरेको गोल नै निर्णायक बन्न पुग्यो। उनले डगलस लुइजको पासमा गोल गरेका थिए।
युनाइटेडको तर्फबाट २८ शट प्रहार भएपनि कुनै पनि गोल भएनन्। खेलमा क्रिस्टियानो रोनाल्डोले पनि गोल गर्न सकेनन्। त्यति मात्र होइन युनाइटेडले पेनाल्टीको मौकालाई पनि सदुपयोग गर्न सकेन।
युनाइटेडले ओल्ड ट्राफोर्डमा इन्ज्युरी समयको थप गरिएको तेस्रो मिनेटमा पेनाल्टीमार्फत बराबरी गर्ने अवसर पाएको थियो। पेनाल्टीका लागि अगाडी आएका ब्रुनो फर्नान्डेस चुक्दा युनाइटेडे हार्न पुग्यो। इन्ज्युरी समयमा ब्रुनो फर्नान्डेसको क्रसलाई हायुजले पेनाल्टी क्षेत्रमा हातले छुन पुगेपछि युनाइटेडले पेनाल्टी पाएको थियो। ब्रुनो फर्नान्डेसको पेनाल्टी आकासियो।
चार खेलमा तीन हार
पछिल्ला चार खेलमा युनाइटेड तीन पटक पारजित भैसकेको छ। यस अगाडी युनाइटेड इएफएल कपमा वेस्ट हामसंग पराजित भएको थियो। उक्त खेलमा क्रिस्टियानो रोनाल्डो खेलेका थिएनन्। वेस्ट हामले एक गोल गर्दा युनाइटेड गोलबिहिन भन्न पुगेको थियो।
वेस्ट हामसंग हार्नु अगाडी युनाइटेडले प्रिमियर लिगमा वेस्ट हामलाई नै हराएको थियो। उक्त खेलमा रोनाल्डो र लिंगार्दले गोल गरेका थिए। त्यस्तै च्याम्पियन्स लिगको पहिलो खेलमा भने युनाइटेड पराजित भएको थियो। कम्जोर मानिएको योङ ब्वाइजसंग युनाइटेड २-१ को गोल अन्तरले स्तब्द भएको थियो।
त्यस्तै च्याम्पियन्स लिग भन्दा अगाडी युनाइटेडले न्युकासललाई हराएको थियो। उक्त खेलमा क्रिस्टियानो रोनाल्डोले डेब्यु गर्दै २ गोल समेत गरेका थिए। युनाइटेड पुगेपछि रोनाल्डोले ४ खेल खेलेका छन्। जसमा उनले ४ गोल गरिसकेका छन् । रोनाल्डोले खेलेका दुई खेलमा युनाइटेडले जितेको छ भने २ खेलमा हारेको छ।
