पेरिस सेन्ट जर्मेन (पिएसजी) स्टार किलियन एम्बाप्पेले शनिबार मोन्टपेलियरलाई २-० ले पराजित गरेको खेलमा प्रतिस्थापित भएपछि आफ्ना टिममेट ब्राजिलियन सुपरस्टार नेयमारप्रति आफ्नो रिस लुकाउन सकेनन्।
एम्बाप्पेको स्थानमा मैदान प्रवेश गरेका जुलियन ड्रयाक्लरले नेयमारको असिस्टमा गोल गरेपछि फ्रेन्च स्टार बेन्चमा मिडफिल्डर इड्रिसा गुएसँग नेयमारको बारेमा गुनासो गर्दै गरेको देखियो। जर्मन स्टारको गोलमा पास दिएका नेयमारले आफू मैदानमा हुँदा आफूलाई भने बल नदिएको भन्दै २२ वर्षीय स्टार क्रोधित देखिए।
https://twitter.com/i/status/1441872835538993155
“त्यो आवाराले मलाई पास नै दिँदैन,” एम्बाप्पेले भन्दै गरेको क्यानल+ क्यामारामामा देखियो। उक्त खेलको ८८ औं मिनेटमा प्रतिस्थापित हुनुअघि एम्बाप्पेले प्रष्ट रूपमा ३ सजिला मौका पाएका थिए तर त्यसलाई उनले गोलमा परिणत हुन सकेनन्।
गोलको खडेरीमा एम्बाप्पे
एम्बाप्पे यति बेला सामान्य गोल खडेरीबारा गुज्रिरहेका छन्। गएको तीन खेलमा एम्बाप्पेले गोल गर्न सकेका छैनन्। सिजनका शुरुवाती खेलहरुमा पिएसजीका निर्णय बन्ने गरेका थिए। तर पछिल्ला तीन खेलमा भने एम्बाप्पेले सिजनको शुरुवातको जस्तै प्रदर्शन गर्न सकेनन्।
