काठमाडौँ – सोमबार बढेको सुनको मूल्य आज घटेको छ। हप्ताको पहिलो दिन स्थिर रहि सोमबार बढेको सुनको मूल्य आज घटेको हो।
नेपाल सुन चाँदी व्यवसायी महासंघका अनुसार नेपाली बजारमा आज छापावाला सुनको मूल्य तोलामा ३ सय रुपैंयाँले घटेको छ। जससँगै छापावाला सुनको मूल्य ८९ हजार रुपैंयाँ कायम भएको छ।
त्यस्तै आज नेपाली बजारमा तेजाबी सुनको मूल्य पनि ३ सय रुपैंयाँले नै घटेको छ। यससँगै नेपाली बजारमा तेजाबी सुनको मूल्य ८८ हजार ५ सय ५० रुपैंयाँ कायम भएको छ।
यस अगाडी छापावाला सुन आइतबार ८९ हजार र सोमबार ८९ हजार ३ सय रुपैंयाँमा कारोबार भएको थियो भने तेजाबी सुन आइतबार ८८ हजार ५ सय ५० र सोमबार ८८ हजार ८ सय ५० रुपैंयाँमा कारोबार भएको थियो।
चाँदीको मूल्य
आज सुन मात्र नभई चाँदीको मूल्य पनि घटेको छ। नेपाल सुन चाँदी व्यवसायी महासंघका अनुसार चाँदीको मूल्य तोलामा रु ५ ले घटेर ११ सय ५५ रुपैंयाँमा कारोबार भइरहेको छ।
