ज्योतिष शास्त्र अनुसार कुनै पनि व्यक्तिको स्वभाव, चरित्र, गुण र भविष्यमा सबै १२ राशि चिन्ह र ग्रहहरुको प्रभावले गहिरो प्रभाव पार्छ। एक व्यक्तिको स्वभाव जन्मको समयमा आफ्नो राशिमा निर्भर गर्दछ। राशिकै कारण कुनै मानिसको स्वभाव निकै शान्त किसिमको हुन्छ भने कुनै मानिसको स्वभाव उग्र हुने गर्छ। केहि मानिसहरुमा धैर्य हुन्छ भने केहि सधैं हतारमा आफ्नो काम गर्न खोज्छन्। ज्योतिषीहरुका अनुसार कुनै मानिसको बारेमा थप् जान्न मन लाग्यो भने उक्त व्यक्तिको कुण्डलीबाट थाहा पाउन सकिन्छ। उक्त व्यक्तिको कुण्डलीमा कुन ग्रह शुभ छ र कुन ग्रह अशुभ छ, व्यक्तिको राशि चिन्ह के हो र जीवन मा यसको प्रभाव कस्तो रहन्छ ? आज हामी तपाईंलाई त्यस्ता चार राशिको बारेमा बताउन गइरहेका छौं जुन राशिका महिला धेरै उग्र, भाग्यशाली र अरु मानिस माथी हावी हुने स्वभावका हुन्छन्। यी राशि निम्नअनुसार छन्….
मेष राशि
राशि चक्रमा मेष राशि पहिलो राशि मानिन्छ। यस राशिका महिला निकै सुन्दर हुने गर्छन्। उनीहरुको सुन्दरताको चर्चा चारैतिर हुन्छ। आफ्नो सुन्दरता कै कारण यी महिलाहरु हरेक स्थानमा केन्द्रको विषय बन्ने गर्छन्। यी महिलाहरु स्वभावले निकै आत्मविश्वासी र चतुर दिमागका हुन्छन्। उनीहरु आफ्नो जिन्दगीको सबै निर्णय आफैं लिन्छन्। मेष राशिका महिलाहरु विवाहपछि पनि स्वतन्त्र दिमागका हुन्छन्, उनीहरु आफ्नो निर्णय छिटो परिवर्तन गर्दैनन्। उनीहरु आफ्नो पति भन्दा पनि सफल हुन्छन्।
वृश्चिक राशि
यस राशिका महिला स्वभावले निकै स्मार्ट हुन्छन्। यिनीहरुले कहिल्यै प्रतिबन्ध स्वीकार गर्दैनन्। अरुको कार्यमा पनि आफ्नो प्रभाव जमाउन सफल हुने यी महिला आफूलाई मान लागेको कार्य गर्ने गर्छन्। विवाह पछि वृश्चिक राशिका महिलाहरु आफ्नो पतिलाई पूर्ण समर्थन गर्ने गर्छन् र काँधमा काँध मिलाएर सबै चुनौतीहरुको सामना गर्न तयार हुन्छन्।
कन्या राशि
कन्या राशिका महिलाहरु निकै शान्त स्वभावका हुन्छन्। यस राशिका महिलाहरुमा एक आदर्श पत्नीमा हुन पर्ने हरेक गुण हुने गर्छ। साहसी स्वभावका हुने यी महिलाहरु कुनै पनि निर्णय लिनको लागि ढिलाई गर्दैनन्। कन्या राशिका महिला धेरै भाग्यशाली हुन्छन्। विवाहपछि यी महिलाले आफूले रोजेको कार्यक्षेत्रमा खुब मान-सम्मान प्राप्त गर्छन्।
मकर राशि
मकर राशिका महिला धेरै चंचल र सक्रिय प्रकृतिका हुन्छन्। उनीहरु कुनै पनि काम गर्न धेरै समय बर्बाद गर्दैनन्। उनीहरुलाई कुनैपनि प्रकारको निर्णय लिन कुनै पश्चाताप हुँदैन। मकर राशिका महिला विवाहपछि पति माथि भारी पर्छन्।
