एभर्टन विरुद्ध म्यानचेस्टर युनाइटेडको खेलमा रेड डेभिलका स्टार मिडफिल्डर पौल पोग्बाले एभर्टनका खेलाडीसँग डब्ल्यु.डब्ल्यु.ई लेजेण्ड द रकको फिनिसर रक बटमको प्रदर्शन गरे।
१-१ को बराबरीमा सकिएको खेल युनाइटेडको लागि निराशाजनक नतिजा थियो। रेड डेभिलको लागि नतिजा अझ निराशजनक हुन सक्थ्यो जब एभर्टन डिफेन्डर एरी मिनाले खेल सकिनु केहि मिनेट अगाडी गोल गरे तर उक्त गोल अफ-साइडको कारण स्वीकार्य भएन। खेलमा युनाइटेडका लागि प्रतिस्थापन भएर मैदान प्रवेश गरेका फ्रेन्च स्टारले आफ्नो प्रतिद्वन्द्वीलाई पछार्ने निर्णय गरे।
https://twitter.com/i/status/1444290448986619905
मिनाले पोग्बालाई बलबाट टाढा राख्ने कोशिस गरे तर केहि सेकेन्ड भित्रै उनी विश्वकप विजेतासँग गर्मा-गामीमा सामेल भए। पोग्बाले त्यसपछि मीनालाई भुइँमा पछारे र आफू पनि सँगैसँगै भुइँमा लम्पसार परे।
उक्त खेलमा ब्रुनो फर्नान्डेजको पासमा एन्टोनी मार्सियलले ४३ औं मिनेटमा गोल गर्दै युनाइटेडलाई पहिलो हाफमा अग्रता दिलाएका थिए। फेब्रुअरी पछि प्रिमियर लिगमा मार्सियलको त्यो पहिलो गोल थियो।
तर युनाइटेडको अग्रता दोस्रो हाफको केहि समयसम्म मात्र टिक्न सफल भयो। खेलको ६५ औं मिनेटमा एब्डोयुलाय डोकोउरेको पासमा टाउनसेन्डले बराबरी गोल गरेका थिए।
