काठमाडौँ – त्रिभुवन विमानस्थलमा एक विमान चिप्लिन पुगेको छ। मंगलबार बिहान श्री एयरलाइन्सको एक विमान त्रिभुवन विमानस्थलमा चिप्लिएको हो।
नेपालगञ्ज जान लागेको जहाज रनवे तर्फ जानेक्रममा चिप्लिएको त्रिभुवन विमानस्थल निकट एक श्रोतले जनाएको छ। विमानको एउटा चक्का चिप्लिएको र जहाज घाँसमा पुगेको बताइएको छ।
चिप्लिएर विमान घाँसमा पुगेपछि विमानमा कुनै क्षति भएको भएको छैन। काठमाडौँबाट नेपालगञ्ज जान लागेको उक्त विमानमा यात्रुहरु समेत थिए। विमान चिप्लिँदा यात्रुहरुलाई पनि केहि नभएको श्री एयरलाइन्सले जनाएको छ।
जहाज धावनमार्ग बाहिर भएका कारण कुनै पनि उडान प्रभावित हुन भने पाएन। वर्षाको समयमा नेपालका विभिन्न विमानस्थलमा विमान चिप्लिने घटना हुने गरेको छ। मोफसलका विमानस्थलमा यस्ता घटना अलि बढी हुने गर्छन्।