एजेन्सी – बलिउडका धेरै नायकहरु चलचित्रमा आफ्नो ज्यान देखाउन पछि पर्दैनन्। विशेष गरेर बलिउड नायकहरु चलचित्रमा सिक्स प्याक देखाउने कोशिसमा हुन्छन्। त्यस्तोमा केहि नायक मिहिनेतले सिक्स प्याक बनाउँछन् र चलचित्रमा देखाउँछन्। तर बलिउडमा केहि यस्ता नायक पनि छन्, जसले नक्कली सिक्स प्याक प्रयोग गरेका छन्। त्यस्ता केहि बलिउड नायकहरु बारे केहि जानकारी निम्न छ।
गोविंदा — ह्याप्पी एन्डिङ
गोविन्दाले आफ्नो अभिनय क्षमताले करोडौंको मन जितेका छन्। चलचित्रमा उनी हुनु दर्शकहरुको मनोरञ्जनको ग्यारेन्टी हो। तर चलचित्र ह्याप्पी एन्डिङमा गोविंदाको एक सिनले उनी माथि विभिन्न प्रश्न खडा गर्यो। उक्त चलचित्रमा गोविंदाको सिक्स प्याक देखाइएको थियो। उक्त सिक्स प्याक नक्कली थियो। चलचित्रका निर्देशकले गोविंदाको सिक्स प्याक देखाउन प्रविधिको सहारा लिएका थिए। नक्कली सिक्स प्याकका कारण त्यसबेला गोविंदाको आलोचना समेत भएको थियो।
सलमान खान – दबंग ३
बलिउडमा यदि सबै भन्दा बढी सिक्स प्याक देखाउने नायक कोहि छ भने ती सलमान हुन्। सलमानले विभिन्न चलचित्रमा आफ्नो ज्यान देखाइसकेका छन्। तर चलचित्र दबंग ३ मा भने सलमानले देखाएको सिक्स प्याक नक्कली थियो। सलमानको सिक्स प्याक देखाउनको लागि डिजिटल प्रविधि सीजीआई प्रयोग गरिएको थियो।
अक्षय कुमार — बोस
अक्षय कुमार बलिउडकै सबै भन्दा फिट नायकको रुपमा चिनिन्छन्। अक्षय आफ्नो फिटनेसलाई लिएर धेरै नै अनुशासित छन्। फिट भएरपनि एक चलचित्रमा अक्षयलाई बलिष्ट देखाउन प्रविधिको प्रयोग गरिएको थियो। चलचित्रको क्लाइमेक्समा देखाइएको सिक्स प्याक र शरीर दुवै नक्कली थिए।
सलमान खान — वान्टेड
चलचित्र वान्टेडमा पनि सलमानको शरीर ठूलो देखाउन प्रविधिको प्रयोग गरिएको थियो। सीजीआई प्रयोग गरेर सलमानको सिक्स प्याक बनाइएको थियो भने उनकोए शरीर पनि सीजीआई प्रयोग गरेर ठूलो देखाइएको थियो।
प्रविधिको प्रयोग गरेर शरीरलाई ठूलो र बलिष्ट देखाउन मामलामा सलमान सबै भन्दा अगाडी छन्। सलमानले एक था टाइगर चलचित्रमा पनि सिक्स प्याक देखाएका थिए। सो चलचित्रमा पनि सीजीआईको प्रयोग गरिएको थियो।
