एजेन्सी – नवग्रहको राजा सूर्यले आइतबार राशि परिवर्तन गर्दैछ। आइतबार बिहान सूर्यले राशि परिवर्तन गर्न लागेको हो। आइतबार बिहान १ बजेर ४३ मिनेट पछि सूर्य कन्या राशि छाडेर तुला राशिमा गोचर हुनेछ।
सूर्य राशि परिवर्तन गर्दै राशिचक्रका सम्पूर्ण राशिमा प्रभाव पर्नेछ। त्यस मध्ये केहिलाई सूर्यको राशि परिवर्तन धेरै शुभ रहनेछ भने केहिका लागि अशुभ। ज्योतिषीहरुका अनुसार निम्न राशिहरुलाई सूर्यको राशि परिवर्तनले धेरै नै लाभ पुर्याउनेछ।
मिथुन राशि
सूर्यले राशि परिवर्तन गरेसँगै सफलताका नयाँ-नयाँ ढोका खुल्नेछन् । धेरै समय देखि अड्किएका योजनाहरु सफल हुनेछन्। नयाँ कार्य थालनीको लागि उचित वातावरण बन्नेछ। विभिन्न अवसरले पछ्याउनेछन् भने कामको सन्दर्भमा विशिष्ट व्यक्तिहरूसँग मित्रता बढ्नेछ। पराक्रम बढेर जाँदा शत्रु सहजै पराजित हुनेछन्। प्रेम जीवनमा पनि सकारात्मक परिवर्तनहरु हुने देखिन्छ। शिक्षाको क्षेत्रमा उल्लेख्य सफलता मिल्ला।
सिंह राशि
सूर्यको राशि परिवर्तन सिंह राशि हुनेहरुका लागि धेरै लाभप्रद रहने देखिन्छ। स्वास्थ्य समस्याहरु देखि छुटकारा मिल्दा दैनिकीमा सकारात्मक परिवर्तनहरु हुनेछन्। सूर्यले गोचर गर्दा व्यापार-व्यवसायमा पनि प्रगति हने देखिन्छ। सरकारी जागिरमा हुनेहरुलाई अनेक प्रकारका लाभ मिल्नेछन्। प्रतिस्पर्धामा विजय प्राप्त हुनेछ भने द्वेष तथा ईर्ष्या गर्नेहरूले हार खानेछन्। सूर्य तुला राशिमा परिवर्तन गरेसँगै जीवनसाथि तथा प्रेमि-प्रेमिकासँगको सम्बन्ध झनै बलियो हुँदै जाने।
धनु राशि
सूर्यको राशि परिवर्तनले धनु राशि हुनेहरुको पारिवारिक जीवनमा धेरै नै सकारात्मक प्रभाव पार्नेछ। आफन्तजन तथा परिवारजनसंग राम्रो समय व्यतित गर्ने अवसर मिल्नेछ। अग्रजहरुको माग्दर्शनले महत्वपूर्ण कार्य सफल हुनेछ। नयाँ कार्यथालनीको योजना पनि सफल होला। व्यवसायमा कारोबार बढ्दा राम्रै मुनाफा हातलागी हुनेछ। कानुनी रुपमा रहेका सम्पूर्ण समस्या देखि छुटकारा मिलन सकल। स्वास्थ्य सबल रहनेछ भने शत्रुहरू परास्त हुनेछन्।
मकर राशि
कार्यक्षेत्रमा सहजै प्रभुत्व जमाउन सकिनेछ। कार्यक्षमता देखेर उच्चअधिकारीहरु प्रफुल्ल हुनेछन् भने पदोन्नतीको योग रहन सक्ला। त्यति मात्र नभई नयाँ परियोजना हात लाग्न सक्ने समेत देखिन्छ। प्रतिस्पर्धीहरूले हार खानेछन् भने काममा मिहिनेतको फल प्राप्त हुनेछ। भविष्यमा ठूलो महत्व राख्ने निर्णय लिनुपर्ने अवस्थामा परिवारको साथ र सहयोग लिनु होला। बोलीको भरमा चिताएको काम सम्पादन हुनेछ। कृषि क्षेत्रमा पनि लाभ मिल्न सक्ला।
मीन राशि
सूर्यको राशि परिवर्तन मीन राशि हुनेहरुका लागि धेरै नै लाभप्रद रहनेछ। सानो प्रयत्नले पनि महत्वपूर्ण कार्य सफल गराउनेछ। आर्थिक रुपमा सूर्यको राशि परिवर्तन धेरै नै शुभ रहनेछ। अध्ययनको लगावले बौद्धिक क्षेत्र फराकिलो बन्नेछ। सामाजिक कार्यमा रुची बढ्ने मात्र नभई मान-सम्मान समेत पाउने योग रहेको छ। महत्वपूर्ण जिम्मेवारी बहन गर्ने अवसर मिल्नेछ। वैदेशिक यात्राको अवसर समेत जुर्न सक्ला।
