लियोनल मेस्सीले पेरिस सेन्ट जर्मेनको टिमलाई च्याम्पियन्स लिगमा पुनरागमन जीत दिलाएको २४ घण्टा पछि नै क्रिस्टियानो रोनाल्डोले आफ्नो महान प्रतिद्वन्द्वीलाई जवाफ दिएका छन्।
अर्जेन्टिनी कप्तानले आरबी लाइपजिग विरुद्ध दुई गोल गरी यस सिजनको प्रतियोगितामा आफ्नो गोल सङ्ख्या तीनमा पुर्याउनुका साथै च्याम्पियन्स लिग इतिहासमा सर्वाधिक गोलकर्ताको सूचीमा रोनाल्डोसँगको दूरी घटाएर १३ मा पुर्याएका थिए। त्यस्तै, पूर्व बार्सिलोना कप्तानले रोनाल्डोको अर्को रेकर्ड पनि बराबरी गरेका थिए।
जर्मन क्लब लाइपजिग मेस्सीले च्याम्पियन्स लिगमा गोल गरेको ३८ औं टोली रहेको थियो। जुन एक रेकर्ड बन्न पुगेको थियो। रोनाल्डोले पनि यसअघि ३८ विभिन्न टोली विरुद्ध गोल गरेका थिए। अस्वीकार गर्न सकिदैन, रोनाल्डोले एक जबरजस्ती प्रतिक्रिया दिए जब उनको आफ्नो टोलीलाई सख्त आवश्यकता थियो र यस प्रक्रियामा एक पटक फेरी मेस्सीलाई पछाडि पारेका छन्।
३६ वर्षीय स्ट्राइकरले यस सिजन मेस्सीको जत्तिनै ३ गोल मात्र गरेनन्, एटलान्टा उनले प्रतियोगितामा गोल गरेको ३९ औं टोली पनि बन्यो। जसपछि मेस्सीले बराबरी गरेको २४ घण्टामा नै रोनाल्डोले उक्त रेकर्ड एकल नाममा गरेका छन्। यसप्रकार पुन: मेस्सीलाई रोनाल्डोले एक पटक कडा जवाफ दिँदै ओझेलमा पार्न सफल भएका छन्।
