न्यादी हाइड्रोपावरको आइपिओ रिजल्ट अब हेर्न मिल्ने, यसरी हेर्नुहोस् !

काठमाडौँ – न्यादी हाइड्रोपावर लिमिटेडले सर्वसाधारणका लागि निष्काशन गरेको प्रारम्भिक सार्वजनिक निष्काशन (आइपिओ)को नतिजा अनलाइनमा सार्वजनिक भएको छ। शुक्रबार बिहान भएको आइपिओ बाँडफाँडको नतिजा अनलाइनमा उपलब्ध भएको हो।

बाँटफाँडको नतिजा सिडिएस एण्ड क्लियरिङ लिमिटेडको बेवसाइट (मेरो शेयर)मा उपलब्ध भैसकेको छ। नतिजा सम्बन्धित कम्पनी, बिक्री प्रबन्धकको बेवसाइटबाट पनि हेर्न सकिन्छ।

कम्पनीले निष्काशन गरेको आइपिओमा कूल २२ लाख ५५ हजार ८४ जनाले आवेदन दिएका थिए । आवेदन दिएकामध्ये १३ हजार ९४६ जनाको आवेदन रद्द भएको र बाँकी २२ लाख ४१ हजार १३८ योग्य आवेदकमध्ये दुई लाख नौ हजार २५० आवेदकलाई १० कित्ताका दरले शेयर बाँडफाँट गरिएको क्यापिटलले जनाएको छ ।

कम्पनीले प्रतिकित्ता रु १०० अङ्कित मूल्यमा रु २२ करोड ५० लाख बराबरका २२ लाख ५० हजार कित्ता साधारण शेयर निष्काशनमा ल्याएको थियो । निष्काशित शेयरमध्ये पाँच प्रतिशत अर्थात् एक लाख १२ हजार ५०० कित्ता सामूहिक लगानी कोषलाई र दुई प्रतिशत अर्थात् ४५ हजार कित्ता शेयर कर्मचारीलाई बाँडफाँट गरी बाँकी २० लाख ९२ हजार ५०० कित्ता शेयर खरिदका लागि सर्वसाधारणले आवेदन दिएका थिए ।

कम्पनीले हाल लमजुङको मस्र्याङ्दी गाउँपालिकामा कूल ३० मेगावाट क्षमताको न्यादी जलविद्युत् आयोजना निर्माण गरिरहेको छ । आयोजना निर्माणको कूल अनुमानित लागत रु छ अर्ब ११ करोड ७७ लाख ५५ हजार ५५ र प्रतिमेगावाट लागत निर्माण अवधिको ब्याजसहित रु २० करोड ३९ लाख २५ हजार १८६ दशमलव पाँच हुने कम्पनीले जनाएको छ ।

यहाँ गएर आइपिओको नतिजा हेर्न सकिन्छ !

प्रकाशित : शुक्रबार, कार्तिक ०५, २०७८१४:५५

मनसुन बाहिरिएपछि पनि किन मच्चियो वितण्डा ! यस्तो भन्छन् मौसमविद् !