लियोनल मेस्सी पेरिस सेन्ट जर्मेनका सहकर्मी माउरो इकार्डीसँग बिचलित भएका छन् र उनी आफ्ना अर्जेन्टिनी साथी टिममेटलाई क्लबबाट बाहिर पठाउन चाहन्छन्।
क्लबको तलब सीमाका कारण ला लिगाले नयाँ सम्झौता स्वीकार गर्न नमानेपछि बार्सिलोना छाडेर मेस्सीले पीएसजीमा नि: शुल्क स्थानान्तरण रूपमा प्रस्थान गरेका थिए जहाँ उनले दुई वर्षीय सम्झौतामा हस्ताक्षर गरे। नयाँ क्लबका लागि अहिलेसम्म तीन गोल गरेका मेस्सीले सबै गोल च्याम्पियन्स लिगमा गरेका छन्। फ्रेन्च लिगमा भने उनले आफ्नो गोलको खाता खोल्न बाँकी नै रहेको छ।
सतह स्तरबाट हेर्दा मेस्सी बार्सिलोनामा २१ वर्षको कार्यकाल पछि आफ्नो नयाँ वातावरणमा राम्रोसँग बसोबास गरेको देखिन्छ, तर एल नासियोनलको एक रिपोर्टका अनुसार छ पटकको बालोन डी’ओर विजेताको इकार्डीसँग “तणावपूर्ण” सम्बन्ध रहेको र यसले गर्दा क्लबको ड्रेसिंग रूममा विभाजन हुन सुरु भएको छ।
यी दुई स्टार बीचको सम्बन्ध चिसिनुको मुख्य कारण पूर्व इन्टर स्टारको मेस्सी प्रति रहेको धारणा भएको बुझिएको छ। इकार्डी महशुस गर्छन् कि आफू अर्जेन्टिनी राष्ट्रिय टोलीमा नपर्नुको मुख्य कारण कप्तान लियोनल मेस्सी हुन्। यसै कारणले गर्दा यी दुई खेलाडी बीचको सम्बन्ध बिग्रिंदै गएको बताइन्छ।
