पीएसजी र अर्जेन्टिनाका मिडफिल्डर एन्जल डि मारियाले यो समरमा लियोनल मेस्सी आएपछि टोलीमा एकता पाउन गाह्रो भएको दाबी गरेका छन् । फ्रान्सेली दिग्गजहरूले गत आइतबार मार्सेलीसँग ०-० को बराबरी खेले, जसमा मेस्सी र नेमारले खेलमा प्रभाव पार्न सकेनन्।
ब्राजिलका सुपरस्टार नेयमारले यो सिजन पीएसजीका लागि सबै प्रतियोगितामा आठ खेलमा एक गोल मात्र गरेका छन् र दुई असिस्ट गरेका छन्। अर्कोतर्फ, लियोनल मेस्सीले मात्र तीन गोल गरेका छन् र मौरिसियो पोचेटिनोको टोलीका लागि आफ्नो सात खेलमा कुनै असिस्ट प्रदान गर्न सकेका छैनन्।
लियोनेल मेस्सी र नेयमार बीच बार्सिलोनामा चार सिजन रहँदाको जस्तो तालमेल अझै पनि देख्न मिलेको छैन। यद्यपि यी दुई स्टार बीच तालमेल अहिले कतै देखिँदैन, डि मारिया विश्वस्त छन् नेयमार र मेस्सीले निकट भविष्यमा फलदायी साझेदारी विकास गर्नेछन्। “लियोको आगमनसँगै क्लबमा एकता पाउन गाह्रो भएको छ,” डि मारियाले टेलिफुटलाई भने, “चीजहरू अझै स्पष्ट छैनन्, तर तिनीहरू हुँदै जानेछन्। नेयमार एक विशाल खेलाडी हुन्, अलि-बिस्तारै उनी शीर्ष स्तरमा फर्कनेछन्।”
डि मारियाले क्लबमा हरेक पोजिसनको लागि प्रतिस्पर्धाको बारेमा पनि टिप्पणी गरेका छन्। लिग १ क्लबसँग युरोपको सबैभन्दा बलियो टोली मध्ये एक रहेको छ जसले पोचेटिनोलाई शुरुवाती ११ को बारेमा धेरै कठिन निर्णयहरू लिन मजबूर गराएको छ। “प्रतिस्पर्धा कठिन छ,” उनले भने,यदि तपाईंको टोलीमा मेस्सी-नेयमार-एम्बाप्पे जस्ता खेलाडी छन् भने आक्रमण पङ्क्तिमा स्थान पाउन निकै मेहनत गर्नुपर्छ। त्यसपछि पनि प्रशिक्षकको निर्णयमा निर्भर गर्छ।”
