आइतवार रियल म्याड्रिडसँग २-१ ले क्लासिकोमा पराजित भएपछि रोनाल्ड कोम्यानलाई बार्सिलोनाका फ्यानहरूले क्याम्प नोउ बाहिर घेराउ गरेका थिए, जुन समयमा उनको सुरक्षाको लागि सुरक्षाकर्मी पनि थिएनन्। डचम्यानले यस विषयमा आफ्नो विचार दिए र मुद्दामा खासै विवादित हुन चाहेनन्।
“यो सत्य हो कि म कारमा हुँदा जे भयो मलाई मन परेन, तर मलाई राम्रोसँग थाहा भएका मानिसहरू मनपर्छ,” कोम्यानले मंगलबारको प्रि-म्याच प्रेस सम्मेलनमा भने। आफ्नो पद बार्सिलोनामा कति समय रहेको छ भन्ने थाहा नभएता पनि आफू आफ्नो काममा निकै रमाईरहेको उनले बताएका छन्।
जब उनको कार वरिपरी समर्थकहरूले घेराउ गरेको मुद्दामा फेरि प्रश्न गरियो, कोम्यानले थप गहिरो प्रतिक्रिया दिए। “मलाई लाग्दैन कि यसको केहि समाधान छ। मेरो लागि यो एक सामाजिक समस्या हो,” उनले टिप्पणी गरे।
उनले थपे,”म जहाँ हुनुपर्ने त्यहिँ छु र म यसमा रमाउन चाहन्छु। मलाई थाहा छ कसरी काम गरिन्छ। म यसको मजा लिन चाहन्छु। यदि यो आठ वर्ष हो, यदि यो तीन महिना हो, यदि यो एक वर्ष हो … कुनै समस्या छैन।”
