अर्जेन्टिनाका कप्तान लियोनल मेस्सीले ब्राजिल विरुद्धको ला अल्बिसेलेस्टेको खेललाई “गहन” मामिला भएको भन्दै खुलाएका छन्। ब्राजिल र अर्जेन्टिनाले २०२२ फिफा विश्वकपका लागि कन्मेबोल क्वालिफायरमा आ-आफ्नो १३ औं खेल खेले।
सेलेकाओले गत साता कोलम्बियालाई १–० ले हराएर कतारमा हुने विश्वकप प्रतियोगिताका लागि आफ्नो टिकट पक्का गरिसकेको थियो। यसैबीच, लियोनल मेस्सी र अर्जेन्टिनालाई २०२२ विश्वकप प्रतियोगितामा आफ्ना प्रतिद्वन्द्वीहरूसँग सामेल हुन एक अंक मात्र आवश्यक थियो। इस्टाडियो सान जुआन डेल बिसेन्टेनारियोमा ब्राजिलसँग ०-० को बराबरी खेलेसँगै इक्वेडरले चिल्लीलाई पराजित गरेपछि अर्जेन्टिना पनि विश्वकपमा छनौट हुन सफल भयो।
गत साता उरुग्वे विरुद्धको खेलमा अन्तिम १४ मिनेट मात्र खेलेका मेस्सीले ब्राजिल विरुद्ध भने पूरै ९० मिनेट खेलेका थिए। खेल पछि TYC स्पोर्ट्ससँग बोल्दै (मुन्डो अल्बिसेलेस्टे मार्फत), लियोनल मेस्सीले आफ्नो फिटनेसको बारेमा यसो भने,”मैले गति लिँदै छु। हामीलाई सधैं थाहा थियो कि हामी सक्छौं, हामीले जित्ने प्रयास गर्यौं तर सकेनौं। उनीहरुले पनि काउन्टरमा खेल्ने प्रयास गरेका थिए । महत्त्वपूर्ण कुरा यो हो कि हामीले हारेका छैनौं। ”
मेस्सीले अर्जेन्टिना र ब्राजिलबीचको खेलको प्रकृतिको बारेमा पनि कुरा गरे, जुन प्रायः राष्ट्रको प्रतिद्वन्द्वीका कारण उच्च भोल्टेज मामिला हुने गर्दछ। “निकै गहन खेल थियो। म यहाँ निकै राम्रो लयका साथआएको थिएँ, त्यसैले खेल्न सफल भएँ, नत्र खेल्दिन थिएँ। यो खेलले चाहेको गतिमा खेल्न सजिलो छैन,” मेस्सीले भने ।
