यसै समरमा बार्सिलोनाबाट लियोनल मेस्सीको बहिर्गमनमा ला लिगा क्लबले तीनवटा महत्त्वपूर्ण कारकहरू पूरा गर्न असमर्थ भएकोले प्रभाव पारेको थियो। यो बार्सिलोनाका सर्वोच्च ग्यारेन्टर, जोस एलियासका अनुसार हो, जसले दावी गरे कि स्पेनिश क्लब “केही आर्थिक र संगठनात्मक सीमितताहरू” बाट ग्रस्त छ।
मेस्सीले बार्सिलोनामा आफ्नो दीर्घकालीन भविष्यका लागि ५० प्रतिशत तलब कटौती गर्न सहमत भएका थिए। तर, ३४ वर्षीय सुपरस्टार र बार्सिलोना बीचको सम्झौता अगस्टमा ला लिगाको खेलाडी दर्तासम्बन्धी आर्थिक नियमका कारण सफल हुन सकेको थिएन। बार्सिलोनामा छ पटकको ब्यालोन डी’ओर विजेताको उल्लेखनीय समयको अन्त्य भयो। जसपछि मेस्सीले पेरिस सेन्ट-जर्मेनमा सनसनीपूर्ण नि:शुल्क स्थानान्तरण पूरा गरे।
स्पोर्टका अनुसार, बार्सिलोनाको सर्वोच्च ग्यारेन्टरले दाबी गरेका छन् कि मेस्सी क्याम्प नोउमा रहन असमर्थ भएका कारण रोएका थिएनन्। इलियासले भने, “मेस्सीको बिदाइ आउनु नै थियो। बार्सिलोनाले नयाँ टिम बनाउनु पर्ने थियो र मेस्सीको साथ त्यो सम्भव थिएन। उनी बार्सिलोनामा नहुने निश्चित उमेरमा छन्। मेस्सी बिना नै च्याम्पियन बार्सिलोना तयार गर्न मेस्सीको बिदाई हुनु नै थियो।”
इलियासले थपे, “मेस्सी बार्सिलोनामा रहन नपाएको कारणले मात्र रोएका थिएनन्, तर धेरै चीजहरूको लागि रोएका थिए। उनी एक साइकल पूरा गर्दै थिए। र त्यसमाथि, उनले बार्सिलोनामा आफ्नो परिवारसँग जीवन बिताएका थिए।”
छ पटकका ब्यालोन डी ओर विजेता मेस्सीले पीएसजीमा तीन सिजनमा ८२ मिलियन पाउण्ड पारिश्रमिक पाउने कथित रूपमा उल्लेख गरिएको छ, जहाँ अर्जेन्टिनी स्टारको २०२३ सम्म सम्झौता भएको छ। इलियासका अनुसार क्लबको पारिश्रमिक बिलले मेस्सीलाई नयाँ सम्झौतामा अनुबन्ध गर्न बार्सिलोनाको स्थितिमा बाधा पुर्याएको थियो।
बार्सिलोनामा मेस्सीको अनुबन्ध हुन नसक्नुको अर्को कारण भनेको मेस्सीको ठूलो पारिश्रमिक रहेको पनि उनले बताएका छन्। अन्तमा, इलियासले खुलासा गरे कि बार्सिलोनाले मेस्सीलाई राखेर “नयाँ टोली र नयाँ उत्साह” सिर्जना गर्न नसक्ने भएको कारणले नै मेस्सी बार्सिलोना छाड्न बाध्य भएका थिए।
उनले भने,“ मेस्सीले निरन्तरता दिन नसक्ने तीनवटा कारण थिए। पहिलो, क्लबले खेलाडीलाई दिने गरेको पारिश्रमिक बिल। दोस्रो, मेस्सीको ठूलो पारिश्रमिक र तेस्रो, मेस्सीलाई राखेर हामीले नयाँ टोली र नयाँ उत्साह निर्माण गर्न सकिन्न थियो।”
