वाटफोर्डका प्रशिक्षक क्लाउडियो रानिरीले म्यानचेस्टर युनाइटेडका स्टार क्रिस्टियानो रोनाल्डोलाई आफ्नो टोलीमा खुसीसाथ लिएर आफूले भिकाराज रोड स्टेडियममा हरेक खेलको हरेक मिनेटमा फरवार्डलाई प्रदान गर्न सक्ने दाबी गरेका छन्।
रानीरीको वाटफोर्डले म्यानचेस्टर युनाइटेडलाई भिकाराज रोडमा होस्ट गर्नेछ। शनिबार अन्तर्राष्ट्रिय ब्रेक पछि याक्सनमा फर्किन लागेको प्रिमियर लिग खेलमा यी दुई टोली बीच भिडन्त हुँदैछ। हर्नेट्स र रेड डेभिल्सले आर्सनल र म्यानचेस्टर सिटीसँग आ-आफ्नो हारबाट पुनरागमन गर्ने प्रायसमा मैदानमा उत्रिनेछन्।
वाटफोर्डले म्यानचेस्टर युनाइटेड विरुद्धको खेलमा रानीरीको नेतृत्वमा आफ्नो दोस्रो जितको खोजीमा जाँदा, शनिबार एक जना खेलाडीबाट निकै सावधान हुनु पर्नेछ, र ती खेलाडी हुन्: क्रिस्टियानो रोनाल्डो। युभेन्टसबाट यसै सिजन प्रिमियर लिग आएका रोनाल्डोले प्रिमियर लिगका आठ खेलहरूबाट चार गोल र एक असिस्ट प्रदान गरेका छन्। पोर्चुगल स्टार खेलाडी म्यानचेस्टर युनाइटेडको प्रमुख अस्त्रका रूपमा देखा परेका छन्।
दोस्रो कार्यकालका लागि म्यानचेस्टर आए देखि रोनाल्डोले हरेक खेलको हरेक मिनेट भने खेल्ने मौका पाएका छैनन्। यस्तोमा केहि फुटबल प्रशंसकले त रोनाल्डो कै कारण प्रशिक्षकले आफ्नो रणनीति परिवर्तन गर्नु परेको समेत बताएका छन्। यसै बारे प्रश्न गर्दा वाटफोर्डका प्रशिक्षक क्लाउडियो रानिरीले आफू आआफ्नो क्लबमा रोनाल्डोलाई स्वागत गर्न तयार रहेको र हरेक खेलको हरेक मिनेट खेलाउने समेत ठट्टा गरेका छन्।
उनले भने,”होइन, होइन! मलाई क्रिस्टियानो दिनुहोस्, मलाई दिनुहोस्। मेरो लागि कुनै समस्या हुने छैन। म उनलाई हरेक मिनेट खेल्न दिनेछु।”
