क्लबमा ठूला ठूला नाम थप्दैमा सफलता हाँसिल हुन्छ भन्ने छैन। पेरिस सेन्ट-जर्मेनमा पहिले नै नेयमार र केलियन एमबाप्पे थिए, तर पनि लियोनल मेस्सीलाई अनुबन्ध गर्ने निर्णय गरियो। उनीहरु त्यहाँ मात्र रोकिएनन्, अन्य थुप्रै स्टार खेलाडीहरु पनि क्लबले यसै सिजन अनुबन्ध गरेको थियो। तर क्लबका लागि उत्कृष्ट टोली बन्नको लागि ठूला नामहरू भन्दा बढी चाहिएको छ।
बुधबार राति म्यानचेस्टर सिटी विरुद्धको खेलमा फ्रेन्च क्लब पराजित हुन पुग्यो जसको मतलब अब पीएसजी पेप ग्वार्डीओलाको टोली भन्दा पछाडी पर्दै समूह चरणबाट दोस्रो स्थानमा रहँदै अन्तिम १६ मा प्रवेश गर्नेछ। आक्रमणमा पीएसजीको अफ-द-बल काम अवस्थित छैन। क्लबले विपक्षीको आक्रमण डिफेन्ड गर्न सक्दैनन् र आक्रामक खेलाडीले पर्याप्त प्रेस गर्दैनन्। नेयमारको कामको दरमा सुधार आएको छ, तर त्यो पर्याप्त छैन।
सिटीका मिडफिल्डर रोड्रिको प्रदर्शन यति राम्रो थियो कि यो सबै युवा खेलाडीहरूलाई उदाहरण बनेको छ। उनले पहिलोदेखि अन्तिम सिट्टीसम्म खेलमा आफ्नो प्रभुत्व जमाए र खेललाई पूर्ण रूपमा नियन्त्रणमा राखे। गेब्रियल जेससले सिटीका लागि एक फरक बने र जसले सिटीलाई अप्रभावी पक्षबाट घातक, महत्वाकांक्षी मेसिनमा परिवर्तन गरे। उनले विजयी गोल गरे, तर उनको प्रभाव त्यो भन्दा बढी महसुस भयो। नम्बर ९ लाई सिटीले फरक तरिकाले खेल्न दियो र यसले काम गर्यो।
के मौरिसियो पोचेटिनोको योजना पीएसजीको लागि सही छ ? उनीहरु एक राम्रो टोली जस्तो देखिँदैनन् र उनीहरु यस सिजन च्याम्पियन्स लिग जित्न आवश्यक मापकको नजिक पनि कतै देखिँदैनन्। अर्जेन्टिनी प्रशिक्षकले आफ्नो टोलीको आक्रमणको काम दरको कमीको लागि क्षतिपूर्ति गर्नुपर्छ भन्ने थाहा पाएर तीन रक्षात्मक मिडफिल्डरहरूसँग खेल्यो, तर तिनीहरू अझै एकजुट पक्ष देखिएका छैनन्।
