मेष (चु चे चो ला लि लु ले लो अ)
यो सातामा पनि पूरा काम बन्ने छैन । सुरुका दुई दिन खर्च बढिरहला । काममा प्रगति पनि गतिलो रूपमा हुने छैन । सोमबारदेखि केही सुधार भएर आउला । स्वास्थ्यको स्थिति पूरा राम्रो रहने छैन । परिवार एवं मित्रको सहयोगले टेवा देला ।
वृष (इ उ ए ओ वा वी वु वे वो)
स्वास्थ्यका कारणले गर्नुपर्ने काममा विलम्ब हुन जाला । परिवारबाट पनि खोजेको जति सहयोग पाइने छैन । बरु परिवारका सदस्यहरू बिरामी पर्न सक्छन् । देवीको सेवा नगरी यो समस्या निर्मूल हुने छैन । व्यापारमा लगाएको श्रम खेर जाने छैन ।
मिथुन (का कि कु घ ङ छ के को हा)
सातालाई नराम्रो रूपमा लिन सकिन्न । काम गर्ने हौसला बढी नै रहला । अलिअलि स्वास्थ्यमा कमजोरी आए पनि त्यसलाई निराकरण गर्न नसकिने होइन । शिक्षाको क्षेत्रतिर लगाएको श्रम खेर जाने छैन । व्यापार र व्यवसायबाट मनग्गै लाभ हुनेछ तर जागिरमा भने मध्यम स्थिति छ ।
कर्कट (ही हु हे हो डा डि डु डे डो)
आय एवं व्यय बराबरै जस्तो होला । सञ्चिति हुने देखिन्न । मनमा चाहिने नचाहिने कुराको शङ्काले उद्वेग गराइरहला । बगलामुखीको नित्य दर्शन गरे मात्र त्यस्तो शङ्काबाट निवृत्ति पाउन सक्नुहुनेछ । विवाहसम्बन्धी कुरा पनि भाँडिएला । खर्च घट्ने देखिन्न ।
सिंह (मा मि मु मे मो टा टी टू टे)
मानप्रतिष्ठामा बढोत्तरी देखिन्न तर मनोरञ्जन गर्न भने छोडिने छैन । सुरुकै दिनमा भोज भत्तेरहरू प्रसस्त पर्ने छन् । यसैका लागि खर्च पनि भइरहला । बुधबारदेखि राम्रा अवसर प्राप्त हुनेछन् । आन्तरिक खालको व्यापारभन्दा बाह्य व्यापारले टेवा दिनेछ ।
कन्या (टो पा पी पू ष ण ठ पे पो)
सुरुका दिनमा बढी खर्च भए पनि निराश हुनुपर्ने समय छैन । केही नयाँ काम तपाईंको हातमा आउने छन् र त्यसैबाट फाइदा होला । पढाइ एवं लेखाइ दुवैतिर हाल मध्यम स्थिति रहनेछ । लिपिबद्ध गर्ने काममा सफलता मिले पनि चिन्तन गर्ने शक्ति भने कमजोर छ ।
तुला (र रि रु रे रो ता ति तु ते)
खर्च भई नै रहला । त्यसलाई घटाउन सकिने छैन । मित्रहरूले दिएको सल्लाहलाई मान्नुहोस् । त्यसबाट केही गतिलो उपलब्धि पाउने सम्भावना देखिन्छ । विवाह एवं प्रेमको विषयमा हाल उपयुक्त समय छ । यात्राको सम्भावनासमेत त्यत्तिकै देखिन्छ ।
वृश्चिक (तो ना नि नू ने नो या यि यू)
मनमा डर लागिरहला । सानो सानो काम पूरा गर्न पनि विलम्ब हुन जाला । जागिरबाट त्यति भरोसा छैन । व्यापारतिर भने राम्रै लक्षण देखा पर्छ । पारिवारिक सहयोग र मित्रहरूको सद्भावना मिलिरहला । गणेशको सेवा भने गरी नै रहनुहोस् ।
धनु (ये यो भा भी भू ध फा ढा भे)
खर्च त घट्ने छैन तर केही महìवपूर्ण काम भने बन्ने नै छन् । आयको स्रोत पनि बलियो हुनाले निराश हुनुपर्ने देखिन्न । विवाहसम्बन्धी कुरामा प्रगति नै होला र एक पाइलो अगाडि बढाउनुमा नै श्रेय छ । जागिरतिरको स्थिति पनि हाल नराम्रो देखिन्न ।
मकर (भो जा जी जू जे जो ख खी खू खे खो गा गी)
सोमबारसम्मका दिनहरू त्यति राम्रा छैनन् । गरेको काममा बाधा आउनाले मन खिन्न होला । मङ्गलबारबाट भने त्यो खिन्नता हटी काम गर्ने जोश बढ्ला । व्यापारतिर मध्यम स्थिति छ । कम्मरभन्दा मुनिको भागमा पीडा हुनसक्छ ।
कुम्भ (गू गे गो सा सी सु से सो दा)
साता मध्यम खालको छ । आधा काम बन्लान् भने आधा बाँकी रहने छन् तर बिग्रने स्थिति भने छैन । व्यवसायका बारेमा अनेक कठिनाइ सामुन्ने आउन सक्छन् । नारायणको आराधनाले त्यसलाई निराकरण गर्न सकिनेछ । पढाइतिर केही समय बढाएमा ज्ञानको राम्रो आर्जन हुनसक्छ ।
मीन (दी दू थ झ ञ दे दो चा ची)
सातालाई राम्रै रूपमा लिन सकिन्छ । केही बाधा र कठिनाइ आए पनि त्यसलाई हटाउन नसकिने होइन । आध्यात्मिक काममा अभिरुचि बढिरहला । प्रेमको सम्बन्धमा पनि हाल ठूलो सफलता देखिन्न । यात्रा भए पनि त्यसबाट फाइदाभन्दा खर्च नै बढी हुनेछ ।
-दामोदरनाथ लोहनी
ज्योतिषाचार्य
