काठमाडौँ – सामाजिक संजालमा चर्चित रहेका मुकुन्द घिमिरेले इन्गेजमेन्ट गरेका छन्। मुकुन्दे भनेर चिनिने घिमिरेले शनिबार झापाकी इन्दिरा सङ्ग्रौलासँग इन्गेजमेन्ट गरेका हुन्।
सङ्ग्रौलासँग औँठी र फूलमाला साटासाट गरेको बारे आफैं सामाजिक संजाल मार्फत जानकारी गराएका छन्। इन्गेजमेन्ट गरेको बारे जानकारी गराएपनि उनले विवाह बारे भने केहि पनि जानकारी गराएका छैनन्।
“#सरप्राइज #इन्गेजमेन्ट #फूलमाला #औंठी_साटासाट #मुकुन्द #इन्दिरा #झापा_सुरुङ्गा #इन्दिरा_संग्रौला ❤️❤️✌️👌”,तस्विर सार्वजनिक गर्दै घिमिरेले फेसबुकमा लेखेका छन्।
कुनै बेला रत्नपार्कको रुखमा चढेर व्यंग्यात्मक भाषण गरेर चर्चामा आएका मुकुन्द घिमिरेले पछिल्लो समय सामाजिक संजालमा सक्रिय छन्।
सामजिक संजाल तथा विभिन्न युट्युब च्यानलहरुमा दिएका अन्तर्वार्ताका कारण उनी चर्चामा आउने गरेका छन्। क्लब हाउस, फेसबुक लगायतका सामाजिक संजालहरुमा घिमिरेले विवाहक लागि केटी खोजिरहेको बताउने गरेका थिए।
