मेष राशि (चू, चे, चो, ला, ली, लु, ले, लो, अ)
व्यापार व्यवसायमा भाग्यले साथ दिनेछ र लाभको अवसर मिल्नेछ। नयाँ क्षेत्रमा लगानी गर्दा यो वर्ष लाभदायक हुन सक्छ। व्यापार सम्बन्धि नयाँ विचारहरुमा रुचि हुन सक्छ । यो वर्ष विदेश यात्राको अवसर पनि मिल्न सक्छ । यो वर्ष जागिरमा पदोन्नतिको प्रवल सम्भावना छ र काममा सक्रिय रहन र महत्वपूर्ण निर्णय लिने सबैभन्दा शुभ समय मध्य मे देखि अक्टोबरसम्म रहनेछ। अर्कोतर्फ, नोभेम्बर र डिसेम्बर महिनामा तपाईंको ऊर्जा सुस्त हुन सक्छ।
चौथो भावमा बृहस्पति र शनिको संयुक्त दृष्टि हुने भएकाले मेष राशिका परिवारमा शान्त र सौहार्दपूर्ण वातावरण रहनेछ। वर्षको अन्त्यमा घरमा केही शुभ कार्य पनि हुन सक्छ जसले तपाईंलाई खुसी राख्न सक्छ। दाम्पत्य जीवनमा तनाव उत्पन्न हुन सक्छ, यस वर्ष आपसी सद्भाव कायम राख्नुपर्ने आवश्यकता रहनेछ।
स्वास्थ्यको दृष्टिकोणले वर्षको सुरुवात राम्रो रहनेछ। सामान्य स्वास्थ्य सुधार गर्न आफ्नो दैनिक दिनचर्यामा स्वस्थ खाना, योग, ध्यान र व्यायाम समावेश गर्न सल्लाह दिइन्छ। यदि उचित हेरचाह गरियो र स्वस्थ आहारको पालना गरियो भने, वर्षको अन्त्यसम्म कुनै रोगबिना सुखी र समृद्ध जीवन बिताउन सकिन्छ।
अप्रिलको सुरुदेखि राहु तपाईंको राशिमा रहने भएकोले सावधान रहनुहोला। कुनै पनि व्यापार वा व्यवसाय साझेदारी गर्नु अघि, तपाईंले राम्रोसँग सोच्नुपर्छ। उच्च शिक्षा अध्ययनरत विद्यार्थीहरूलाई यो वर्ष कडा परिश्रम गर्न सल्लाह दिइन्छ। वर्षको सुरुमा मिश्रित नतिजा प्राप्त हुनेछ।
