वर्तमान संवत्सरको राजा र मन्त्री दुवै पदमा बस्ने महान ग्रह पृथ्वी पुत्र मंगल ग्रह ३ महिना १२ दिन अस्त रहेपछि मंसिर १३ गते सोमबार बिहान ६ः१८ बजे तुला राशिमा प्रवेश गरी पूर्वमा उदाउदै छ । यसअघि मंगल ग्रह भदौ १ गते साँझ ७ बजे पश्चिममा अस्ताएको थियो। जसको कुण्डलीमा हाल अशुभ घरमा मंगल स्थित रहेको छ उनीहरुको लागि कम तर शुभ घरमा उपस्थित हुनेहरुको लागि मंगल धेरै शुभताको कारक रहनेछ । मेष र वृश्चिक राशिको स्वामी मंगललाई कर्कट राशिमा दुर्बल र मकर राशिमा श्रेष्ठ मानिन्छ। मंगल ग्रहको उदय हुँदा कुन राशिमा कस्तो प्रभाव पर्नेछ भन्ने बारेमा जानौं….
मेष राशि
मङ्गलको प्रभाव विवाहको दृष्टिकोणले धेरै राम्रो भन्न सकिँदैन तर व्यापारमा राम्रो प्रगति हुनेछ। नोकरीमा पदोन्नतिको अवसर मिल्नेछ र मान सम्मानमा वृद्धि हुनेछ। सरकारी शक्तिको पूर्ण सहयोग रहनेछ । केन्द्र वा राज्य सरकारका विभागहरूमा प्रतिक्षा गरिएको काम पूरा हुनेछ। यदि तपाईंले आफ्नो योजना गोप्य राखेर काम गर्नुभयो भने सफल हुने सम्भावना उच्च रहन्छ। ससुरालीसँगको सम्बन्ध बिग्रन दिनु हुँदैन ।
वृष राशि
मंगलको उदय हुनु तपाईंको लागि कुनै वरदान भन्दा कम हुने छैन। शत्रु परास्त हुनेछन्, अदालती मुद्दामा पनि राम्रो सफलता मिल्नेछ। तपाईंले लिएको निर्णय र गरेको कामको पनि प्रशंसा हुनेछ। रमणीय तथा लाभदायक यात्राको सम्भावना रहेको छ। वैदेशिक नागरिकता वा भिसा आदिका लागि आवेदन दिन खोज्दै हुनुहुन्छ भने अवसर अनुकूल रहनेछ। सावधानीपूर्वक यात्रा गर्नुहोस्।
मिथुन राशि
राशिको पञ्चमी शिक्षा/बाल गृहमा प्रवेश गर्दै उदय हुने मङ्गलको प्रभाव धेरै मिश्रित रहनेछ। प्रतियोगितामा सहभागी हुने विद्यार्थी तथा बिद्यार्थीहरुले परीक्षामा राम्रो अंक ल्याउन मिहिनेत गर्नुपर्नेछ । सन्तान सम्बन्धि चिन्ता कम हुनेछ। नवविवाहित दम्पतीका लागि सन्तानको योग पनि रहेको छ । प्रेम सम्बन्धमा उदासीनता रहनेछ, काममा बढी ध्यान दिनु होला । परिवारका वरिष्ठ सदस्य र ठूला दाजुभाइसँग मतभेद बढ्न नदिनुहोस्।
कर्कट राशि
मंगल ग्रहको प्रभावले धेरै अनपेक्षित परिणाम दिनेछ। तपाईंका लागि सम्पत्तीसँग सम्बन्धित मामिलाहरू मिल्ने खुसीको खबर पनि छ। घर वा सवारी किन्न खोज्दै हुनुहुन्छ भने अवसर अनुकुल छ । आमाबाबुको स्वास्थ्य चिन्तनशील हुनुहोस्। कुनै पनि प्रकारको सरकारी सेवामा आवेदन दिन चाहनुहुन्छ भने समय तपाईंको पक्षमा रहनेछ । उच्च अधिकारीबाट सहयोग मिल्नेछ ।
सिंह राशि
मंगल ग्रहको उदय तपाईंको लागि ठूलो सफलताको कारक साबित हुनेछ। कुनै प्रकारको कार्य योजनालाई अन्तिम रूप दिन चाहनुहुन्छ भने अवसर अनुकूल हुनेछ। नोकरीमा पदोन्नति र नयाँ करार प्राप्त हुने सम्भावना छ। परिवारमा दाजुभाइसँग मतभेद बढ्न नदिनुहोस्। जिद्दीपनलाई नियन्त्रण गर्नुहोस्। धर्म-कर्ममा रुची बढ्नेछ। वैदेशिक कम्पनीमा सेवा वा नागरिकताका लागि गरिएका प्रयास सफल हुनेछन् ।
कन्या राशि
मंगलको प्रभाव धेरै अशुभ रहनेछ। कुनै न कुनै कारणले पारिवारिक कलह र मानसिक अशान्ति बढ्न सक्छ, यसलाई बढ्न नदिनुहोस्। परिवारमा पृथकताको अवस्था नआओस् । घरजग्गा सम्बन्धि मामिलामा उल्झन आउनसक्छ । घर वा सवारीसाधन पनि किन्न चाहनुहुन्छ भने अवसर राम्रो भन्न मिल्दैन । यस अवधिमा आफ्नो बोलीमा संयम राख्नुहोला।
तुला राशि
मंगल ग्रहले धेरै अप्रत्याशित परिणामहरू र उतार-चढाव ल्याउन सक्छ, त्यसैले प्रत्येक कार्य र निर्णय धेरै सावधानीपूर्वक गर्न आवश्यक छ। उर्जामा वृद्धि हुनेछ, लिएको निर्णय र गरेको कामको प्रशंसा पनि हुनेछ । विद्यार्थी तथा प्रतियोगीतामा सहभागी हुनेहरुको लागि समय अनुकुल नरहला । यस अवधिमा कसैलाई बढी ऋण नदिनुहोस्, अन्यथा तपाईंले आर्थिक हानिको सामना गर्नुपर्नेछ।
वृश्चिक राशि
मंगल ग्रहको प्रभाव धेरै राम्रो छ भन्न सकिदैन। झगडा र विवादबाट टाढै रहनुहोस् र अदालत सम्बन्धि मामिलाहरू बाहिर नै समाधान गर्नु बुद्धिमानी हुनेछ। लाभदायक यात्राको सम्भावना त छ तर सामान चोरी हुने पनि सम्भावना रहेको छ। कुनै पनि सम्झौतामा हस्ताक्षर गर्दा कृपया नियम र सर्तहरू सावधानीपूर्वक जाँच गर्नुहोस्।
धनु राशि
मंगल ग्रहको प्रभाव तपाईंका लागि वरदान भन्दा कम हुने छैन। तपाईले चाहानु भएको सफलता हासिल गर्न सक्नुहुन्छ। यदि तपाईं कुनै ठूलो काम सुरु गर्न चाहनुहुन्छ वा सम्पत्ति सम्बन्धी मामिलाहरू समाधान गर्न चाहनुहुन्छ भने, यो अवसर उत्कृष्ट हुनेछ। प्रतियोगितामा बस्ने छात्र-छात्रा तथा विद्यार्थीहरुलाई अपेक्षित सफलता मिल्नेछ । नव दम्पतिका लागि सन्तान प्राप्तिको योग रहेको छ।
मकर राशि
मंगल ग्रहको प्रभावले राम्रो सफलता मिल्नेछ। रोजगारीको दिशामा गरिएका काम सफल हुनेछन् । सामाजिक पद-प्रतिष्ठा पनि बढ्नेछ। तपाईंले लिएको निर्णय र गरेको कामको पनि प्रशंसा हुनेछ। उर्जा शक्ति र अदम्य साहसको सहयोगले तपाईंले कठिन परिस्थितिलाई सजिलै पार गर्नुहुनेछ। परिवारका वरिष्ठ सदस्यबाट सहयोग मिल्नेछ ।
कुम्भ राशि
मंगल ग्रहको प्रभावले उतारचढाव ल्याउनेछ। यो पनि हुन सक्छ कि कार्यको शुरुवातमा केहि बाधा आउन सक्छ तर पछि तपाईंको योजना भने सफल हुनेछ। धर्म र अध्यात्ममा रुची बढ्नेछ। विदेशी कम्पनीमा सेवा वा नागरिकताको लागि गरेको प्रयास सफल हुनेछ। अदम्य साहस र पराक्रमको बलमा कठिन परिस्थिति माथि सहजै विजय प्राप्त गर्न सकिनेछ। शिक्षा क्षेत्रमा सफलता मिल्नेछ।
मीन राशि
मंगल ग्रहको प्रभाव स्वास्थ्यको दृष्टिकोणले धेरै राम्रो छ भन्न सकिँदैन। कार्यस्थलमा पनि षड्यन्त्रको शिकार हुनबाट जोगिनुहोला। यस अवधिमा, कुनै पनि घरजग्गा सम्झौता वा कसैसँग कुनै सम्झौतामा हस्ताक्षर गर्नु अघि, नियम र सर्तहरू गम्भीरतापूर्वक जाँच गर्नुहोस्, अन्यथा समस्यामा पर्ने सम्भावना छ। परिवारमा नकारात्मक अवस्था आउन नदिनुहोस्।
