कुम्भ राशि (गू, गे, गो, सा, सी, सू, से, सो, दा)
कुम्भ राशि हुनेहरुका लागि यो वर्ष अप्रिल र मे महिना जागिर वा व्यवसायमा परिवर्तनको लागि उत्तम रहनेछ। वर्षको उत्तरार्धमा तपाईलाई केहि समस्या हुन सक्छ। साढे सातीको कारणले गर्दा कुनै पनि काम सुरु गर्नु अघि अनुभवी व्यक्तिको सल्लाह लिनुहोस्, यसले तपाईको व्यवसायमा प्रगतिको सम्भावना बढ्नेछ।
कुम्भ राशि हुनेहरूका लागि वर्षको अन्तिम चौमासिक पारिवारिक जीवनमा राम्रो रहने सम्भावना छ। यस अवधिमा परिवारको पूर्ण सहयोग प्राप्त गर्न सकिनेछ।
वर्ष २०२२ मा कुम्भ राशिका व्यक्तिहरूलाई केही स्वास्थ्य सम्बन्धि समस्या आउन सक्छ किनभने तपाईको राशिको स्वामी शनि वर्षको पहिलो भागमा तपाईको बाह्रौं भावमा गोचर हुने भएकाले केही स्वास्थ्य सम्बन्धि समस्याले तपाईलाई सताउन सक्छ। टाउको दुख्ने, एसिडिटी हुने, जोर्नी दुख्ने, चिसो लाग्ने जस्ता समस्याले सताउन सक्छ।
यो वर्ष आर्थिक स्थितिमा सुधार आउनेछ । वर्षको मध्यमा अर्थात् अप्रिलदेखि सेप्टेम्बरसम्मको अवधिमा व्यापार व्यवसायमा राम्रो नतिजा मिल्नेछ र लाभको स्थिति सृजना हुनेछ, प्रतिफल प्राप्त हुनेछ। प्रतियोगी परीक्षाको तयारीमा रहेका विद्यार्थीहरूले सफलता प्राप्त गर्न कडा परिश्रम गर्नुपर्नेछ। विद्यार्थी वर्गको लागि यो वर्ष त्यति अनुकूल भन्न नमिल्ला।
