सिजनको सुरुवाट अगाडी मात्र अर्जेन्टिनालाई सन् १९९३ पछि पहिलो अन्तराष्ट्रिय उपाधि जिताउन प्रमुख भूमिका खेलेका मेस्सीले सोमबार पेरिसमा भएको समारोह बीच सातौँ ब्यालोन डी ओर जितेका छन्।
३४ वर्षीय फरवार्डले २०२०छ मा ला लिगा सान्टान्डरमा ३० गोल गर्दै लगको शीर्ष गोलकर्ताका रूपमा सिजनको समाप्ति गरेका थिए। र यसै सिजन मात्र नि: शुल्क ट्रान्सफरमा पेरिस सेन्ट-जर्मेनमा सामेल हुन क्लब छोड्नु अघि ब्लाउग्रानासँग कोपा डेल रे ट्रफी पनि जितेका थिए। मेस्सीले आफ्नो कीर्तिमानी सातौं बालोन डी’ओर आफ्नो नजिकका साथी र बार्सिलोनाका पूर्व टिममेट लुइस सुआरेजबाट प्राप्त गरे, जसले स्टेजमा अर्जेन्टिनी सुपरस्टारलाई बधाई दिए।
यसैबीच, भोटिङमा रोबर्ट लेवान्डोस्की दोस्रो, जोर्गिन्हो तेस्रो र करिम बेन्जेमा चौथो स्थानमा रहे। बायर्न म्युनिखका फरवार्डले वर्षको उत्कृष्ट स्ट्राइकर अवार्ड पाए भने बार्सिलोनाका मिडफिल्डर पेड्रीलाई कोपा ट्रफी र चेल्सीलाई वर्षको उत्कृष्ट क्लब घोषित गरियो।
क्रिस्टियानो रोनाल्डो २०१० पछि पहिलो पटक शीर्ष तीन बाहिर समाप्त गर्न बाध्य भए। म्यानचेस्टर युनाइटेडका फरवार्डले पाँच बालोन डी’ओर उपाधि जितेका छन्, त्यसपछि मिसेल प्लाटिनी, जोहान क्रुफ र मार्को भान बास्टेनले तीन–तीन पटक अवार्ड जितेका छन्।
मेस्सीले यसअघि सन् २००९, २०१०, २०११, २०१२, २०१५ र २०१९ मा यो उपाधि जितेका थिए। गत सिजन बार्सिलोनामा मेस्सीले जम्मा ४७ खेलमा ३८ गोल र १४ असिस्ट गरेका थिए भने उनले अर्जेन्टिनाका लागि २० खेलमा १० गोल गरेका थिए।
