काठमाडौँ – काठमाडौँको कोटेश्वरबाट पाँच जुवाडे पक्राउ परेका छन्। जुवा खेलिरहेको अवस्थामा पाँच जनालाई प्रहरीले काठमाडौँको कोटेश्वरबाट पक्राउ गरेको हो।
पक्राउ पर्नेहरुमा काठमाडौँ–३२ पेप्सीकोला घर भएका नवराज थपलिया, काभ्रे घर भएका दीपक तामाङ र दीपक तिमल्सिना तथा रामेछापको खाँडादेवी घर भएका सागर केसी रहेका छन्। त्यस्तै घरधनी ईश्वर कार्कीलाई पनि प्रहरीले नियन्त्रणमा लिएको छ।
उनीहरुलाई काठमाडौँ महानगरपालिका–३२ स्थित कोटदेवी मन्दिर नजिक रहेको कार्कीको घरबाट पक्राउ गरिएको महानगरीय प्रहरी परिसर काठमाडौँले जनाएको छ।
उनीहरुलाई महानगरीय प्रहरी प्रभाग कोटेश्वरबाट खटिएको टोलीले पक्राउ गरेको हो। प्रहरीले उनीहरुको साथबाट ६ लाख ५८ हजार नगद र २० बुक तास बरामद गरेको छ ।
