मेष राशि
स्वास्थ्यको दृष्टिकोणले वर्षको सुरुवात राम्रो रहनेछ। सामान्य स्वास्थ्य सुधार गर्न आफ्नो दैनिक दिनचर्यामा स्वस्थ खाना, योग, ध्यान र व्यायाम समावेश गर्न सल्लाह दिइन्छ। यदि उचित हेरचाह गरियो र स्वस्थ आहारको पालना गरियो भने, वर्षको अन्त्यसम्म कुनै रोगबिना सुखी र समृद्ध जीवन बिताउन सकिन्छ।
वृष राशि
स्वास्थ्यको दृष्टिले वर्षको सुरुवात धेरै राम्रो भन्न सकिँदैन किनभने यस समयमा तपाईंको राशिको प्रथम अर्थात् लग्न र सप्तम भावमा छायाँ ग्रह राहु-केतुको उपस्थितिले तपाईंलाई धेरै प्रकारको स्वास्थ्य समस्याले सताउन सक्छ। यो वर्ष तपाईंको तौल स्थिर राख्नु तपाईंको लागि ठूलो चुनौती साबित हुनसक्छ, तर तपाईले अनुशासित भएर यो समस्या समाधान गर्नुपर्नेछ।
मिथुन राशि
यो वर्ष तपाईले आफ्नो स्वास्थ्यको बारेमा धेरै सावधान रहनु पर्छ। यस अवधिमा तपाईलाई गम्भीर चोटपटक लाग्न सक्ने भएकाले अप्रिल महिनासम्म धेरै सावधानी अपनाउन सल्लाह दिइन्छ।
कर्कट राशि
स्वास्थ्यमा उतारचढाव आउन सक्छ, यस समयमा विशेष ख्याल गर्नुपर्नेछ। नियमित रूपमा योग अभ्यास गरिरहनुहोस् र तपाईंले वर्षभरि आहारमा धेरै संयमित हुन आवश्यक छ। वर्षको उत्तरार्धमा स्वास्थ्य राम्रो र स्थिर रहनेछ।
सिंह राशि
यो वर्ष स्वास्थ्यमा ध्यान दिनुहोला । चुनौतीपूर्ण समय बित्ने प्रबल सम्भावना छ, यस समयमा हात, पेट र मिर्गौला सम्बन्धी रोगले सताउन सक्छ। नियमित योग व्यायाम गरिरहनुहोस्, चिकित्सकको सल्लाह लिइरहनु लाभदायक हुनेछ।
कन्या राशि
स्वास्थ्यका लागि यो वर्ष राम्रो रहनेछ । यदि कुनै रोग पहिले देखि नै चलिरहेको छ भने, यो समयमा तपाईं पूर्ण रूपमा छुटकारा पाउन सक्नुहुन्छ। अनेक रोगबाट संक्रमित रहेका मानिसको स्वास्थ्यमा पनि यो समयमा सुधार आउने देखिन्छ।
तुला राशि
यो वर्ष विशेष सावधानी अपनाउनु पर्नेछ, अन्यथा कुनै न कुनै रोगले सताउन सक्छ, यस्तो अवस्थामा मौसम परिवर्तनका कारण उत्पन्न हुने सबै प्रकारका सानातिना समस्याहरूबाट आफ्नो शरीरलाई जोगाउनु राम्रो हुनेछ । रोगहरु बारे सचेत रहनुहोस्।
वृश्चिक राशि
मार्च सम्ममा तपाईको राशिमा राहुको उपस्थितिको प्रभावले शारीरिक पीडा दिइरहनेछ। यस्तो अवस्थामा आफ्नो खानपानमा बढी ध्यान दिनुहोस् । सामान्यतया यो वर्ष तपाईको स्वास्थ्यको लागि राम्रो रहनेछ।
धनु राशि
गत वर्षको तुलनामा यो वर्ष तपाईको स्वास्थ्य निकै राम्रो रहनेछ, शनिदेवले तपाईलाई केही समस्या दिन सक्छन्, तर यो वर्ष तपाईलाई कुनै ठूलो रोग लाग्ने छैन। नियमित रूपमा योग गर्नु वा व्यायाम गर्नु तपाईंको लागि धेरै लाभदायक साबित हुन सक्छ।
मकर राशि
स्वास्थ्य अनुकूल रहनेछ, तपाईं आफ्नो जीवन राम्रो स्वास्थ्य संग बिताउनुहुनेछ। यो वर्ष तपाईको स्वास्थ्यमा सकारात्मक प्रभाव रहनेछ, यस अवधिमा तपाई आफ्नो पुरानो रोगबाट छुटकारा पाउन सक्नुहुनेछ। वर्षको प्रारम्भमा केही समस्या आउनसक्छ। वर्षको प्रारम्भमा राहु पाँचौं भावमा र शनि पहिलो भावमा रहने भएकाले मानसिक समस्याको सामना गर्नु पर्नेछ ।
कुम्भ राशि
वर्ष २०२२ मा कुम्भ राशिका व्यक्तिहरूलाई केही स्वास्थ्य सम्बन्धि समस्या आउन सक्छ किनभने तपाईको राशिको स्वामी शनि वर्षको पहिलो भागमा तपाईको बाह्रौं भावमा गोचर हुने भएकाले केही स्वास्थ्य सम्बन्धि समस्याले तपाईलाई सताउन सक्छ। टाउको दुख्ने, एसिडिटी हुने, जोर्नी दुख्ने, चिसो लाग्ने जस्ता समस्याले सताउन सक्छ।
मीन राशि
यो वर्ष कुनै ठूला स्वास्थ्य समस्याको सम्भावना निकै कम छ तर कमजोर पाचन प्रणाली, कलेजो, संक्रामक रोग आदि जस्ता सानातिना स्वास्थ्य समस्याले सताउन सक्छ। यो वर्ष आफ्नो खानपानमा ख्याल गर्दै व्यायाम र योग जस्ता राम्रा कुराहरूलाई आफ्नो दैनिकीमा समावेश गर्नुहोस्।
