म्यानचेस्टर युनाइटेडमा राल्फ रङ्गनिकको अन्तरिम कार्यकाल यस शुक्रबारबाट सुरु हुन्छ र जर्मनले पहिलो पटक मिडियासँग कुरा गर्दै क्लबको लागि आफ्नो योजनाहरू बताएका छन्।
उक्त प्रेस सम्मेलनमा सबैभन्दा पहिलो विषय रहेको थियो कि जर्मन प्रशिक्षकले क्रिष्टियानो रोनाल्डोलाई आफ्नो रणनीतिमा कसरी फिट गर्ने योजना बनाएका छन्। र रङ्गनिकको अन्तर्वार्ता पोर्चुगलको शारीरिक अवस्थाको प्रशंसाले भरिएको थियो। मिडियासँग कुरा गर्दै उनले भने, ‘मैले ३६ वर्षको उमेरमा कसैलाई यति फिट देखेको छैन। तर, उनको मात्रै कुरा होइन । यो समग्र रूपमा टोलीको विकासको बारेमा हो। तपाईंले सधैं उपलब्ध खेलाडीहरूसँग अनुकूलन हुनुपर्छ। मेरो लागि, यो टोलीलाई सँगै एकसाथ खेल्न मद्दत गर्ने बारे हो। यो एकता र टोली भावनाको बारेमा हो।”
क्लबका नयाँ बोसले बिहीबार राति आर्सनलमाथि ३-२ को जित हेरे र नतिजामा खुसी थिए, तर उनलाई थाहा छ कि उनले क्लबमा अझै धेरै काम गर्नु पर्नेछ। “अन्तमा हामीले चाहेको नतिजा पाएकोमा म धेरै खुसी छु,” उनले भने, “टोलीमा रहेको सम्भावना देख्न सकिन्छ । एक एक खेल गरेर, पाइला पाइला गर्दै अगाडी बढ्नु पर्छ। जब सिजनको बीचमा क्लबमा आइन्छ, तपाईंले अर्को खेल जित्ने सबैभन्दा ठूलो मौका छ भनी सुनिश्चित गर्नुपर्छ। म आइतबारको खेलको धेरै प्रतिक्षामा छु।”
सन् २०१६ मा जर्मन प्रशिक्षकले ३६ वर्षीय रोनाल्डोलाई बुढा भनेका थिए। रोनाल्डो अब बुढा पनि भए र पहिले जस्ता खेलाडी नरहेको उनको भनाई रहेको थियो। जसको कारण रङ्गनिकको नियुक्तिले क्लबमा रोनाल्डोको भविष्य बारे पनि अनेक प्रश्न उठेका थिए।
