लियोनल मेस्सीले बार्सिलोना छाडेपछि क्लब निरन्तर पतनमा जानेछ भन्ने धेरैले अनुमान लगाएका थिए। र यो कुरा अर्जेन्टिनी कप्तान बिना जीत पनि हात पार्न निकै संघर्ष गरिरहेको क्लबले सहि साबित भएको देखिन्छ।
मेस्सीले क्लब छाडेको ६ महिना पनि नबित्दै युरोपा लिगमा घटुवा भएको बार्सिलोना अन्तिम पटक मेस्सीले क्याम्प नोउमा आफ्नो उत्कृष्ट सिनियर करियर सुरु गर्नुभन्दा पहिले मात्र युरोपा लिगमा खेलेको थियो। बार्सिलोनाको टोली भित्र समग्र गुणस्तरको सन्दर्भमा स्पष्ट गिरावट आएको प्रष्ट देख्न सकिन्छ र मेस्सीको आक्रमणकारी आउटपुट विशेष गरी च्याम्पियन्स लिगमा हराइरहेको छ।
अर्जेन्टिनी सुपरस्टार खेलाडी निकै चम्किने प्रतियोगितामा यस सिजन बार्सिलोनाले समूह चरणमा मात्र डिनामो किभ विरुद्ध गोल गर्न सफल भयो। बायर्न म्युनिख र बेन्फिका दुबैले क्याटालान क्लब विरुद्ध एक गोल पनि खाएनन्। मेम्फिस डेपे र लुक डे जोंगको जोडिले क्लबका लागि राम्रो साझेदारीका रूपमा काम गर्न असफल भए।
युरोपियन फुटबलका केहि यस्ता क्लब छन् जसलाई युरोपा लिगमा खेलेको हेर्न मुश्किल रहन्छ। बार्सिलोना त्यस्तै टोली मध्ये एक हो। तर अब त्यो वास्तविकतामा परिणत भएको छ। तपाईं गोल गर्न सक्षम नभएसम्म फुटबल खेलहरू जित्न सक्नुहुन्न, र मेस्सीको बहिर्गमनले क्लबलाई ठूलो क्षति भएको प्रष्ट देख्न सकिन्छ, विशेषगरी उनी जस्तो गोलकर्ता फेला पार्नु क्लबका लागि मुख्य समस्या रहेको छ।
च्याम्पियन्स लिगबाट युरोपा लिगमा घटुवा भएको बार्सिलोनाको हालत लिगमा पनि उस्तै रहेको छ।लिगमा १५ खेल खेलिसकेको बार्सिलोना हाल तालिकाको सातौं स्थानमा रहेको छ। यस्तोमा क्लब लिग लिडर रियल म्याड्रिड भन्दा १६ अंकले पछि रहेको छ भने टप ४ बाट ६ अंकले पछि रहेको छ। यस्तोमा यस यस सिजन च्याम्पियन्स लिगको समूह चरणबाट बाहिरिएको मेस्सी बिनाको बार्सिलोना अर्को सिजन भने प्रतियोगितामा छनोट समेत नहुने स्थितिमा रहेको छ।
