एजेन्सी – इडेन हाजार्ड रियलबाट बहिर्गमनको अन्तिम अवस्थामा छन्। रियल म्याड्रिडमा खासै मौका पाउन छाडेपछि हाजार्डले रियल छाड्ने सम्भावना बढेको हो। विभिन्न रिपोर्टहरुका अनुसार हाजार्डलाई रियलले आउने ट्रान्सफर विन्डोमै बिक्री गर्न सक्छ।
हाजार्ड चेल्सीमा हुँदा विश्वकै उत्कृष्ट स्ट्राइकर रहेका थिए। तर रियल आए यता उनी लगातार ओरालो यात्रामा छन्। पछिल्लो समय रियल छाड्ने मनस्थित बनाएका हाजार्ड प्रिमियर लिग फर्किने चर्चा छ।
हाजार्ड माथि विभिन्न प्रिमियर लिग क्लबहरुले चासो देखाएका छन्। हाजार्ड माथि एभर्टन र वेष्ट ह्यामले चासो देखाएको स्पेनिस मिडियाहरु बताउँछन्। दुवै क्लबका प्रतिनिधिहरुले रियल म्याड्रिडलाई प्रस्ताव पठाउने तयारी गरिरहेको बताइन्छ।
वेष्ट ह्याम अहिले प्रिमियर लिगको चौंथो स्थानमा छ। गत सिजन युरोपा लिगका लागि छनौट भएको वेष्ट ह्यामले यस सिजन च्याम्पियन्स लिगका लागि छनौट हुने छनक देखाइरहेको छ।
हाजार्डलाई भित्र्याएर थप बलियो हुने वेष्ट ह्यामको योजना रहेको बताइन्छ। त्यस्तै जारी सिजनमा धेरै नै कजोर प्रदर्शन गरिरहेको एभर्टनले पनि आफूलाई थप बलियो बनाउनको लागि हाजार्डलाई भित्र्याउन चाहेको बेलायती मिडियाहरु बताउँछन्।
हाजार्डलाई सन् २०१९ मा चेल्सीबाट रियल म्याड्रिड पुगेका थिए। हाजार्डलाई रियलले ८९ मिलियन पाउण्डमा किनेको थियो। धेरै अपेक्षा सहित हाजार्डलाई भित्र्याइएको भएपनि हाजार्डले त्यस्तो राम्रो प्रदर्शन गर्न सकेका छैनन्।
वेष्ट ह्यामको प्रस्ताव रियलद्वारा अस्विकार
पछिल्लो एक खबरका अनुसार रियलले वेष्ट ह्यामको प्रस्ताव अस्विकार गरेको छ। हाजार्डका लागि वेष्ट ह्यामले २५ मिलियन युरोको अफर गरेको र रियलले सो प्रस्ताव अस्विकार गरेको विभिन्न अन्तर्राष्ट्रिय संचार माध्यमहरु दावी गर्छन्।
